水淹停車場 「流星錘」襲豪宅 十號風災管理處甩轆 住戶扯火索償
颱風「天鴿」席捲本港，多區慘遭風雨蹂躪，天災中更有人禍。紅磡豪宅「昇御門」外牆竟有一台吊船如「流星錘」撼爆三個單位的玻璃窗；港島杏花邨停車場，更被海水浸至沒頂，導致二十多輛汽車報銷。大批住戶炮轟管理公司安排不善，揚言要追討賠償。 打風期間，不少網民昨天在社交平台上分享各區災情，部份怵目驚心，其中多段短片拍得位於紅磡漆咸道北的昇御門，外牆竟有一台吊船隨強風搖擺，如流星錘般先後撞爆三個單位的玻璃窗，幸戶主事發時不在家。有昇御門住戶透露，各業主事後群情洶湧，不滿管理公司發生重大失誤，令住客無辜蒙受損失，遂群起向其追究責任及賠償。 港島東杏花邨的災情亦不遑多讓，網上片段但見水流如瀑布般湧入一個地牢停車場，高約兩米的入口迅即沒頂，連後樓梯也被淹沒，停泊場內二十多輛汽車全數報銷。其中一名車主鄭先生聞訊到場已水深及膝，想駛走車輛時，引擎已受淹浸至死火，最後眼白白目睹愛車被水浸沒；另有苦主不滿管理公司事前不作任何預防或提醒車主，表明一定會投訴索償。 立法會議員林卓廷痛斥昇御門管理公司嚴重失職，威脅到住戶及公眾安全，極不負責任，協助業主追究賠償。東區區議員何毅淦則已聯絡杏花邨大部份受影響車主，今日會與業主委員會跟管理公司港鐵會面，要求對方交代事件，追討賠償。
-
麥凱恩號水兵遺體尋獲 第七艦隊司令撤職
美軍導彈驅逐艦麥凱恩號與運油輪碰撞事件，造成十名美軍失蹤，美軍表示，已在艦上入水船艙內尋回部份失蹤者遺體；另外，鑑於第七艦隊今年在亞洲地區先後發生四宗撞船意外，軍方昨宣佈即時解除第七艦隊司令奧庫安職務。 美軍太平洋艦隊司令斯威夫特周二表示，軍方早前派出海軍陸戰隊潛水員潛入麥凱恩號碰撞後封鎖區域搜索，並在入水船艙尋回部份失蹤官兵遺體，馬來西亞軍方亦打撈起一具遺體，稍後舁送美軍更核實是否失蹤美軍。 鑑於第七艦隊今年在亞洲地區先後發生四宗撞船意外，導彈驅逐艦菲茨杰拉德號、麥凱恩號撞船意外更造成多名官兵死亡，軍方對第七艦隊司令奧庫安指揮能力信心盡失，斯威夫特昨宣佈即時解除奧庫安職務，任命海軍少將索耶接替空缺。 軍方目前仍調查麥凱恩號撞船成因，海軍消息透露，初步證據顯示，撞船意外疑由麥凱恩號轉向裝置故障引起；但有專家指出，美國海軍兩個月內兩度發生撞船事件，認為並非單純人為因素，懷疑是黑客入侵軍艦導航或電訊設備所致，而官方早前強調，暫無跡象顯示撞船與網絡攻擊有關，但當局會全面調查任何可能性。
- 西班牙恐襲犯：原計劃炸聖家教堂
- 金正恩令增產導彈引擎彈頭
-
特朗普火併國會 美股回軟 恒指ADR再升261點
美股周三未能延續前一個交易日近200點的升勢，杜指低開49點後，早段跌幅曾擴大至逾91點，見21808點；標普指數和納指亦走軟。總統特朗普周二出言威脅若國會不撥款興建墨西哥圍牆，可能會令政府停運，且警告會廢除與墨西哥和加拿大之間的貿易協議，令投資者憂慮特朗普承諾包括減稅和基建開支等刺激增長方案難以實現，拖累大市氣氛。 到今晨四時，杜指收報21812點，跌87點。滙控（005）美國預託證券（ADR）價格見74.25元，較香港收市價跌0.25元；騰訊（700）美國預託證券見335.79元，較香港收市價升11.79元。恒指ADR報27663點，升261點。 歐洲三大主要股市後段亦偏軟，倫敦、巴黎和法蘭克福尾段跌0.01%至0.35%。 美國商務部公佈，美國七月份新屋銷售按月下滑9.4%，至57.1萬間的年率單位，是今年以來最低，也遜於分析師預測的61間；六月份的同類數字則從原來的61萬間向上修訂至63萬間。七月份樓價中位數按年升6.3，至31.37萬美元（約245萬港元）。Markit同日公佈的美國八月份製造業採購經理指數初值按月跌零點八點，至52.5，較分析師預測的53.5低。 美匯指數昨日走低，到美市初段曾跌0.38%，見93.185點；日圓匯價回升0.59%，見108.98兌1美元（每100日圓兌7.17港元）。 國際油價周三先軟後升，紐約十月份期油價到美市早段倒升50美仙或1.05%，見每桶48.14美元；美國能源情報署（EIA）公佈，上周原油庫存減少330萬桶，至4.632億桶。倫敦現貨金價靠穩，曾升6.42美元或0.5%，見每盎司1291.56美元。 社保揀蟀炒港股涉200億 北水南下再添生力軍，有消息稱，社保基金啟動新一輪港股投資評定工作，估計涉及資金約200億元（人民幣，下同），將以港股通投資。有分析師預計，消息有望帶動今日恒指的表現，但市場仍關注即將在明日召開的環球央行會議，加上中資金融重磅股業績公佈，大市升幅料有限。港股昨日受到颱風「天鴿」影響全日休市，滬深股通、衍生產品及金市也休市。 至於中國股市昨日則反覆偏軟，滬指終止四連升，收市跌2點，跌幅0.08%，收報3287點；深成指則跌34點，跌幅0.33%，收報10619點。兩市成交較上日縮減11%至4309億元。 有消息指，社保基金啟動新一輪港股投資評定工作，估計涉及資金約200億元。《中國基金報》引述基金業消息稱，社保基金啟動新一輪投資港股的工作，在8至10個基金中揀4至6個，每個組合涉及最多50億元。 報道指，社保基金由周一開始相關工作，基金公司高層、投資研究部門和香港業務負責人都有參與。揀選情況傳出兩個版本，一是有8家投資管理機構入圍，接受答辯，根據基金公司往績，以及港股投資團隊的綜合實力等因素，最終選出6個管理機構，分別管理6個投資組合。另一版本則指，會在10家投資管理機構揀選4家，資金會分兩批轉入選中的管理機構帳戶，每個組合涉及40億至50億元人民幣。
- 深國純利大增74%
- 瑞房賺九億增17% 憂全年銷售難達標 上海樓盤不欲降價出售
-
拖肥雙殺格
愛華頓除了射手朗尼腳風甚順之外，另一鋒將卡維特利雲狀態亦可媲美。加上辛度拉美利斯有望於今晚歐霸附加賽次回合傷瘉復出，料拖肥糖能繼首回合主場贏2:0後，作客可再挫近況反覆的夏德，客勝穩開。 （香港時間周五凌晨3:00開賽） 雖然愛華頓領先兩球，但領隊朗奴高文明言今晚次回合不會只求守住優勢︰「夏德今仗必傾巢而出，但我軍不會就此坐以待斃。」朗尼各賽事近三場入兩球固然值得一讚，但兩度給他送上助攻的卡維特利雲亦應記一功，朗奴高文讚賞道︰「他勤於走動，為對手帶來不少威脅。」另一前鋒辛度拉美利斯亦傷瘉，可望於今晚候命，相信拖肥糖有力再破各賽事得近四場勝負各二的夏德。 今晚另一場歐霸附次回合，馬賽首回合在中立場與斯洛文尼亞的當姆薩尼打成1:1平手，可幸前者主場威力一向強勁，跨季不同賽事近十次作東豪取八勝兩和不敗佳績，今仗勢挫各賽事四連和的對手，主勝看俏。
- 歐聯附 次回合 「利」刃出鞘
- 熟悉的臉孔
巴士的點評——用愛發電
天鴿襲港，香港十號風球掛了五個小時，鄰近地區澳門、珠海大停電，香港無停電，算是萬幸。 颱風中供電系統特別易出問題，可以是戶外電線杆甚至輸電塔倒塌，可以是大面積水浸影響發電設施，二○一二年十月美國東岸受颶風桑迪吹襲，紐約曼克頓市有變電站爆炸，停電超過一星期。 颱風、地震等天災影響供電不出奇，無天災出現大停電才是奇事，最近台灣出現的「按錯掣」大停電事件，就奇到無人信。 在八月十五日下午四點五十分，台灣發生有史以來最大規模停電，停電長達五小時，包括台北、台中等十七個縣市、六百六十八萬戶受影響，佔台灣總用戶過半。小英總統大為光火，經濟部長李世光成為代罪羔羊，他馬上辭職並迅速獲得批准。 經濟部長雖然負了政治責任，但出現這重大事故，真是部長的決策失誤造成嗎？官方解釋是台灣中油公司前線員工操作氣閥失誤，令天然氣供應系統發生故障，導致供應大潭電廠六部發電機組的天然氣中斷兩分鐘，結果六部發電機組全部跳機，所以觸發大停電。 這個「按錯掣」大停電的技術解釋無人相信，令網上出現大量戲仿帖子，最流行的一個是說歷史上有十人可以跳過一大串安全程序觸發大停電，九個是占士邦之類的電影英雄人物，第十個是中油的操作員。 「按錯掣」的理由無人信，皆因台灣早已長期缺電。在大停電前一個星期，花蓮一座電塔被颱風吹倒，相關電廠的發電量僅佔台灣總發電量的百分之四，台灣就要限電，公務員們被強令中午不許開冷氣。城市大學校長郭位是核電專家，他說八‧一五大停電不是意外，因為台灣的備載電能遠低於百分之十，而其他先進國家、地區，備載容量率一定大於百分之十。台灣在二○○八年到二○一三年，備載電能有百分之二十以上，之後才大跌。 台灣備載電能大降，源於一個政治問題：停用第四核電廠。整件事情的關鍵轉折點是民進黨在二○一四年發動「反核大遊行」，針對已完工的第四核電廠，逼令政府不能啟用核四廠。他們打出「用愛發電」的標語，這一幅圖畫令我印象殊深，心想怎可以反智到這個地步，用愛發電？民進黨當日也打出很多激動的標語，例如「我是人我反核」（香港也有些人只當自己是講人話，其他人講的都是鬼話）等等。 民進黨這一着是針對日本福島核洩漏之後台灣的反核情緒，反核四廠，劍指二○一六年的總統大選。軟弱無力的國民黨為了減壓，停開核四，導致島內缺電問題日益嚴重。 政客講話經常不找數。民進黨當時聲稱將在二○二五年實現「非核家園」，屆時，百分之五十電能靠天然氣，百分之二十靠綠色能源。如今大家都知這是謊言，目前都不夠電，還能減少傳統方式發電？蔡英文去年選總統時曾保證「絕不會缺電」。言猶在耳，馬上就大停電。台灣網民紛紛追數，問「說好了的用愛發電在哪裏？」 缺電不止不方便，還令企業外移，就業職位流失。全世界最大的圓晶代工廠台積電董事長張忠謀，曾提醒台灣有缺電問題，話圓晶的生產周期需要一至兩個月，但只要停電一秒，生產線上的圓晶就會全部報廢，有巨量損失。八‧一五大停電令台積電中招，恐怕它們也要外逃了。 人人都想環保，又想能源便宜，政客就投其所好，說得美不勝收，只想騙選票上台，根本無打算兌現。台灣局面，值得香港警惕。 「巴士的報」是一份網上報紙，讓網民隨時隨地拿着手機或平板電腦可以看到。www.bastillepost.com wh.lo@bastillepost.com 盧永雄
金融High Tea——油股新世代
借住美國總統特朗普推動稅制改革嘅消息，美股大升，杜指周二升左196點收市，頗有再挑戰兩萬二千點關口之勢，可惜香港打十號風球，全日停市，錯過左一個可能由外圍帶動嘅升市。 特朗普推動稅制改革，市場人士未食到糖已經開心定先，佢地認為稅改同奧巴馬醫保唔同，廢除奧巴馬醫保係減派福利，擰走選民嘅芝士，就算共和黨人想支持，都唔敢太出力，相反減稅係畀錢，雖然依家仲未計掂啲錢喺邊度嚟，但斷估都容易過關啩，所以個市就炒左上去先。不過睇長遠少少，特朗普係一個非主流總統，無人想佢成功，唔能夠排除派錢都過唔到。 港股周一大升，唔多唔少有偷步升上去嘅味道；不過，收市後公司派成績表普遍唔錯。本來個市好有機會再下一城，可惜就撞正打風。呢個風本來話凌晨已經會到，但臨入夜佢就放慢腳步，結果差唔多天光至到，早上好多地方仲係無乜嘢，到九點過後先風起雲湧，打得好應，結果個市就停足成日，美股升得咁勁，唔知可唔可以維持升勢。 聯通混改開波溢價配A股 美股向好，港股無得玩，內地股市照開，但A股就無乜受惠，滬深股市一度造好，但收市齊齊微跌，上證指數收報3287點，跌2點，深證成指收報10619點，跌34點。 內地最近開始推動混改，聯通（762）配合A股公司混改，周二深夜公佈，向母公司聯通BVI（由聯通A股持有），發行發行66.5億股新股，每股作價13.24元，較昨收市價12.04元，有10%溢價，集資880億元。 聯通為咗股改以溢價發股，反映公司對股價嘅底線。同一時間，股改嘅目嘅係提升效率，改革實施後，將結合公司實際啟動管理人員市場化改革，亦係今次混改嘅系統改革舉措之一，其中包括加大市場化選聘力度，實現現有各層級管理人員5%嘅退出率，激發隊伍活力。 內地電訊公司都係有規模嘅巨無霸，但因為體制所限，回應市場唔夠靈活積極，股改理論上係好消息，所以呢排股價已經開始炒上嚟。 另一單同龍頭國企有關嘅消息，係路透社報道，中石油（857）美國同加拿大辦公室出現大量員工離職，引發外界猜測該公司喺北美縮減業務，據中石油向路透證實，自舊年以來，該公司喺休斯頓和卡爾加里嘅辦公室已有超過30名員工離職，其中包括原油、金融、天然氣同化學製品貿易業務嘅負責人。消息人士解釋，調整係同北美辦公室之前擴張速度可能過快有關。 中石油瘦身一葉知秋 對於中石油呢次縮減人手，有中環茶友認為唔係個別事件，背後可能同整個油價走向嘅分析有關。過去大陸對於能源安全十分著重，經常研究點樣增加能源儲備，包括喺世界各地收購油價資產，油價下跌被視為增加儲備機會。 但隨住內地大量使用高鐵，加上全球推動電能車趨勢加速，未來對燃油嘅消耗可能減慢，又睇住美國大增天然氣供應，壓住油價打俄羅斯，如果呢個趨勢維持，咁中國就有需要及早調整能源組合，仲係咪需要大力增加石油供應，就係要研究嘅課題。 中石油嘅策略係點，對於中國係好重要嘅戰略，唔會咁容易俾外界知道真實答案。不過依家好多能源專家，都開始評估緊石油長遠前景，因為喺溫室效應下，全球都傾向增加使用燃氣同電力，石化燃料使用將會下降，所以中東國家都好小心咁規劃佢地未來嘅產油計劃，並安排將石油資產上市，同步仲對國家嘅財政同投資加強管控。 從呢個角度嚟講，中石油喺北美瘦身可能係一葉知秋，油價有機會再唔會好似以前咁大漲小回，浪比浪高，油價147美元一桶嘅日子，可能一去不返。雖然石油可見將來仲係最主要嘅能源產品，需求卻可能見左頂，油公司嘅股價可能變成有波幅、無升幅，炒油股只能以低吸為主。 陸羽仁
Executive日記——天鴿未走已經候命 車長火速開工抵讚
十號風球下，有唔少人都仲要返工維持基本交通服務，好似港鐵同九巴車長咁，真係好值得尊敬！港鐵前線員工不斷清理露天路軌同雜物，確保行車暢順；而一班九巴車長就一直留喺車廠候命，等「天鴿」一走就即刻提供巴士服務，夠晒專業呀！ 九巴昨日喺facebook專頁上載咗幾張相，話一班車長一早已經返咗去車廠候命，等個風一走，就可以馬上投入服務，喺車廠入面預備咗啲零食同飲品慰勞班車長，「小小心意，希望大家開工有勁」﹗Kelly見到啲相入面，只係得餅乾、紙包同樽裝飲品，人多到唔夠位坐咁，九巴就話其實車長有需要，可以安排車輛送佢哋去附近嘅食肆開餐，又話會盡量安排座椅畀佢休息咁話！ 網上都有唔少人同車長打氣，「辛苦晒」、「多謝你們」等留言不絕，亦有人讚車長「敬業樂業」，要向佢哋致敬。 港鐵員工努力清路軌雜物 港鐵嘅員工亦都要喺颱風下維持基本列車服務，雖然露天路段服務一度暫停，但港鐵職員都唔敢怠慢，努力清理路軌上嘅塌樹同雜物，當個風一走，就好快咁重開露天嗰啲路段服務喇。港鐵職員仲向因為暫停服務而鼓噪嘅市民派發食水同餅乾。班員工咁落力，港鐵都同佢哋講：「多謝你哋啊手足」！小妹都會向佢哋畀個Like呀！ Kelly Chu
Executive日記——劉鳴煒搞笑片段 教你風暴「應變」
「天鴿」襲港，好多打工仔同Kelly一樣都多咗一日額外假期，有得休息吓！「男神」劉鳴煒唔知係咪放假好得閒，就上載咗一段「惡搞」影片，十分惹笑，為大家解下悶！ 劉鳴煒話段片係由佢辦公室啲實習生製作，惡搞男神，將佢個樣貼咗落唔同人物身體上面，例如有遊戲「孖寶兄弟」嘅瑪利奧，同埋彩虹貓。片中嘅男神宣佈「放假喇」，又有一封由「親愛的八號波」寄畀大家嘅信，信上叫大家「返上牀瞓喇」，十分搞笑。 呢段片雖然名為「風暴緊急應變手冊」，不過Kelly問過劉鳴煒，佢話「應變」都係叫大家瞓吓覺，因為知道打風，大家喺屋企好悶，所以就搞吓笑，希望大家開心。 佢又透露，啲實習生花咗唔少心思去整段片，例如用咗一個下午去製作特效，非常認真，仲大讚佢哋好有創意同天賦！有網民留言話段片「好正」，同埋讚男神「香港就係需要你呢啲老闆 」﹗ Kelly Chu
Executive日記——高級牀品及鐵板燒套餐等你攞 「頭條大激賞」壓軸送14萬獎品
「頭條日報大激賞」勁送總值超過一千萬元獎品，終於到咗最後衝刺喇！Kelly聽聞之前兩個階段已經有差唔多九十位幸運兒贏到超吸引「NO.1粉絲勁獎」，將OTO按摩產品及Smartech智能家電帶返屋企，兩件都咁實用，真係一人中獎、全家受惠，小妹都戥佢哋開心呀！嚟到壓軸第三階段，勁獎送埋今日同聽日咋，仲想贏獎品嘅朋友要快手啦！ 小妹再提提大家，今期壓軸「NO.1粉絲勁獎」會送出總值超過十四萬元嘅獎品，包括有齊牀笠、被套及枕袋嘅Cherry貢緞緹花一千六百針雙人牀品套裝禮盒，每份價值六千元；仲有鹽澤日式鐵板燒二人晚市套餐，每份價值三千五百元，名額合共三十個，只有回答簡單問題就可以參加抽獎。 另外，大激賞仲有「即SCAN即中獎」，包括指定Kagome伴餐蔬菜汁優惠及自選優惠，逢嘟必有獎，而且上下午都有中獎機會。各位朋友記得先用「頭條Jetso」App參加抽獎，再掃描即日《頭條》活動QR code攞埋即中獎；仲可以Share埋畀朋友齊齊玩，咁就齊齊中獎啦！呢兩日係贏獎最後機會，大家唔好錯過喇！ Kelly Chu
Executive日記——總商會請你 免費搭電車同小輪
香港總商會嚟緊十一月二十九日，將會再次舉辦「全程為您」活動，當日請全港市民免費搭電車同天星小輪呀！ 總商會同Kelly講，今年「全程為您」活動別具意義，因為除咗係香港回歸二十周年，亦係總商會創會一百五十六周年，而電車同渡輪都係本港歷史最悠久、最具代表性嘅交通工具，見證住香港的成長，所以佢哋決定今年再次請市民乘坐電車同渡輪咁話！ 大家可以喺當日免費乘坐來往堅尼地城同筲箕灣嘅全線電車，同埋來往尖沙咀至中環及灣仔嘅兩條天星小輪航線。呢個活動已經喺第七年舉辦，香港總商會總裁袁莎莉話，喺過去幾年，活動都大受歡迎，受惠嘅市民同遊客總共超過一百五十萬人㗎！ Kelly Chu
