驚見無線重播舊作《鹿鼎記》 偉仔:嚇到我即刻瞓

        澤東電影昨晚舉行25周年晚宴,老闆王家衛、旗下藝人梁朝偉、張震、張榕容、柯佳嬿等均有出席。被問到最近無線重播他的經典舊劇《鹿鼎記》時,偉仔笑言嚇到即刻瞓覺!

        王家衛昨晚出席澤東25周年晚宴時,坦言時間過得好快,25年來拍下多部精緻電影可算合格。對於劉嘉玲指新片《擺渡人》要重拍,王家衛笑言:「差不多拍完啦,金城武和偉仔好多火花好開心。」

  梁朝偉同樣指《擺》片好順利,「已進入直路,以前都講過拍喜劇可用另一角度,好開心,我想拍多些正能量片。」偉仔拍完《擺》後還有《歐洲攻略》及另一部懸疑喜劇,所以《擺》延遲,之後的片也要順延,記者笑指他忙到無時間陪老婆劉嘉玲,偉仔笑言:「佢更忙,從來係咁。」問他有否看無線重播《鹿鼎記》?偉仔說:「前晚睇咗少少,幾驚!即瞓!」他自己也沒保留舊劇。

  此外,韓星李光洙與導演權五光昨日出席香港國際電影節的「韓國之夜」活動後,結伴出席澤東晚宴,光洙貫徹親民作風,不停向在場人揮手打招呼!

本報記者

hd