Advertisement

3800萬買入持貨22年 發哥賣西貢地皮開價3億

        雖然61歲嘅民間特首周潤發坐擁逾15億身家,但發哥嘅生活絕對唔奢華,多年來一直居於九龍塘獨立屋,除咗開工平時唔會聘用司機,閒時去行山,至愛去九龍城街市買餸,打扮簡單,又關心時事,屬娛圈最貼地藝人。講咗拍戲為興趣嘅發哥將財政大權交晒畀發嫂,多年來投資嘅物業遍佈港九新界,連地都有。近日,地產界傳出消息,指發哥出售1995年以3千8百萬買入,位於西貢清水灣DD236 LOT357地段的10000方呎地皮,開價3億,持貨22年,帳面大賺2億6千2百萬,嘩嘩嘩嘩嘩。

採訪:梁志明

        永不言休嘅發哥雖然拍戲產量唔多,但去年一部《賭城風雲3》就收4500百萬片酬再加分紅,搵錢能力火山級強勁,不過發哥講到明視錢財如身外物,做人最緊要健康同開心,曾在訪問中提到死後會將身家全數捐作慈善用途,「我覺得啲錢都唔係我嘅,我只係暫時保管住一陣,如果我死咗,會將財產捐出去,我同太太對呢方面都有共識,到時睇吓社會嘅需要而決定囉。」

發哥身家逾15億

發哥身家愈嚟愈多全靠發嫂,87年嫁給發哥後,曾讀工商管理的發嫂一直手握財政大權,發哥每月僅領1,000港元零用錢。自80年代開始,眼光獨到的發嫂就開始買豪宅同炒地皮,物業遍佈港九新界,令發哥帳面的資產不斷飆升。已經賣出的物業全部有錢賺,現在兩人至少持有7個物業及兩幅地皮,市價逾10億港元,再加上海外資產與股票,發哥的身家保守估計最少有15億。

西貢地皮好View

最近地產界傳出消息,指發哥持貨22年的西貢清水灣10000方呎地皮放售,95年買入價3千8百萬,現開價3億。據知該地皮有建屋限制,有25%不能超過兩層,即可建面積約5000方呎,而該物業的花園為方便保養亦早已用石屎填平。經記者實地觀察,發現好好View的地皮外圍已封圍板,花園的確已被填平,兩層獨立屋外觀日久失修,窗戶亦有些剝落,買家買入地皮後必須要拆卸重建獨立屋才能居住。

hd