Advertisement

首獲金像獎男配角提名 姜皓文望挑戰做主角

        姜皓文(黑仔)入行超過30年,最近終憑電影《樹大招風》首獲提名「金像獎最佳男配角」,他認為能越級挑戰跟一班前輩齊獲提名,已當自己得獎,更感激這些年太太殷寧持家有道,令他可無後顧之憂去追夢。而下個目標,黑仔坦承希望進軍男一位置,將來有機會提名最佳男主角。

        黑仔最初得知提名的消息時,也不敢相信,「本嚟無乜特別感覺,係啲朋友恭喜先至感覺實在啲,最開心反而係同(曾)志偉哥、達哥(吳孟達)、智叔(廖啟智)同Paul哥(秦沛)呢班咁勁嘅前輩一齊提名,我掹車邊已經好榮幸,當自己攞咗啦!」

老婆支持追夢

  講明完全無信心攞獎的黑仔,預了無機會上頒獎台,唯有借訪問公開致謝,「第一個要多謝當然係老婆啦!佢成日話『你想拍咩就去拍,屋企我搞掂!』呢句說話真係好重要,畀我無後顧之憂去發夢。除咗呢部戲嘅台前幕後工作人員外,當然所有畀過機會我嘅導演同監製,我都真係好感激佢哋對我嘅厚愛。」

  11年憑電影《奪命金》獲「第十二屆華語電影傳媒大獎最佳男配角」提名,今年再下一城先後獲「香港電影評論學會大獎」及「金像獎」提名,黑仔坦承下次當然希望有機會提名男主角,「演員真係好被動嘅,不過最近確實係多咗一啲戲搵我,戲份真係比較重,係咪主角都唔緊張,最緊要有得演啫!」


hd