Advertisement

甜蜜遊歐洲 李彩華為男友買定羽絨

        長駐內地拍劇的李彩華(Rain),憑內地劇《回家的誘惑》爆紅,幾年來一直劇接劇冇停,若不是遇上何遠恒,工作狂應該唔會識放假休息,早前農曆年遊走美國和韓國的她似乎意猶未盡,近日再出動跟男友到歐洲旅行,出發前記者便見她單拖到銅鑼灣名店睇羽絨,全程主攻男裝款式,一睇啱即扑槌買,可惜該款式size貨源短缺,李彩華即留資料,並confirm兩日後有貨先肯離開,能搵到如此貼心的女友,何遠恆真係好幸福。

        密密賺人仔的李彩華,早年已睇準豪宅巿場的升值潛力,幾年來一直投資豪宅物業,如今已有五個豪宅揸手,成為億萬富婆,加上去年幾部擔正劇集大收,讓李彩華人氣再度爆升,片酬升至三十萬人仔一集依然大把人爭住用。

睇啱即買

  事業成功,愛情亦得意,33歲的李彩華揚言已計劃一兩年內跟男友何遠恒拉埋天窗,早前趁農曆年假期,更拖埋男友陪父母到韓國旅行滑雪,可能意猶未盡,日前又再度起行到歐洲旅行。

  早前記者見李彩華現身銅鑼灣利園名店,慣性掃貨唔睇價的她走入羽絨王MONCLER遊了一圈,便拿出手機給店員看,似是早有心水,店員帶她走出店外櫥窗確認款式後,即快手為她落單,可惜現貨冇size,李彩華唯有留資料hold貨,confirm兩日後有貨到手的她冧爆離開。

採訪:梁志明

hd