無樓揸手 林保怡 睇定裝修等入市

        幾年前一直在內地拍劇搵人仔的51歲美魔男林保怡,早年因愛犬患病,「家人」有事,他索性長留港及接拍ViuTV劇。Bowie仲疑似與對手周家怡戲假情真,當街攬啜火辣辣。日前晚上,他一支公去灣仔駱克道的裝修公司睇嘢,望吓洗手盆及吊燈等,速睇十分鐘就笑口走人。睇嚟鑽石王老五趁有時間,睇定啲擺設裝修,等啱timing就入市。

        凍齡男神林保怡,2012年離開無線轉戰內地拍劇,極速在幾年間進帳半億人仔。不過自從3年前喪父、加上現年9歲的雪橇狗阿水無端端椎間盤突出,險致下肢癱瘓,林保怡就專心留港照顧愛犬。去年,ViuTV重金禮聘他拍《瑪嘉烈與大衛系列—綠豆》一劇,與女主角周家怡朝夕相對幾個月,餓女家怡疑趁醉擒啜林保怡,拗直男神。事後男方直認係真咀,皆因兩人瑪嘉烈同大衛上身,唔係做戲喎。

  早前表示將手上物業趁高價賣出套現的林保怡,將錢轉做其他投資,等樓價下滑再掃貨。日前晚上7時許,他一支公現身灣仔駱克道的裝修公司。見他在店內漫無目的睇吓浴室洗手盆及吊燈等,又向店員查詢吓,逗留唔夠十分鐘就走人。離開時,一向親民的他仲與店員揮手say goodbye,o氹女店員開心冧笑O添。

採訪 ︰ 梁志明

hd