Advertisement

抗拒女友網上晒恩愛 鄭嘉穎:我想低調啲

        鄭嘉穎和謝天華昨日出席《博愛歡樂傳萬家》宣傳活動,兩人近日為綵排《風雲》5D音樂劇均告受傷。對於女友陳凱琳上載剪倒刺相放閃,嘉穎自爆是遭「偷拍」,更隔空勸女友要愛得低調。 

        鄭嘉穎表示因左腳傷及舊患要戴護膝,加上每日綵排音樂劇10小時引致水腫,現時每晚都要敷冰。問女友陳凱琳有幫手嗎?他坦言:「唔講呢啲,佢有關心,多謝!(幫女友剪倒刺被封暖男?)我都唔知佢影咗,亦唔知佢放咗上網,我想盡量低調啲。」

  謝天華則透露腰部受傷要睇跌打,幸好無大礙,但綵排時只能用三成功力。在音樂劇扮演聶風的他,直言要為角色減磅:「相信觀眾唔想睇個肥騰騰嘅聶風咁重口味。」

本報記者


hd