Advertisement

不怕劉浩龍呷醋 祖兒猛讚單眼皮曹星如

        容祖兒(Joey)昨晚出席DFS的「來自威尼斯的愛」慶祝活動,講到早前與拳王曹星如拍攝運動品牌廣告,她大讚對方單眼皮及傷痕都一樣靚,但對於有記者笑言可打傷男友劉浩龍製造靚傷痕,她即勁保護話:「打你就真!」

        昨晚活動以浪漫的威尼斯為主題,問到Joey有冇同男友劉浩龍(師兄)去過威尼斯,Joey直言冇試過,也想試下去浪漫地方,自己不怕坐長途飛機,最重要有時間。

  講到早前Joey與曹星如拍攝運動品牌廣告,似不怕男友呷醋的Joey大為興奮地說很欣賞曹,「佢直頭係我最鍾意嘅單眼皮,影相嗰日見到佢嘅傷痕同瘀傷真係好好睇,未見過人(傷痕同瘀傷)咁靚,睇到佢背後嘅努力。(你可以打師兄等佢有傷。)打你就真!」Joey正忙為即將舉行的演唱會預備,問到完騷後會否同師兄去玩?她笑指計劃了同媽咪等一行七人去日本遊玩。問到患癌母親是否已康復?Joey透露仍需要食藥,更否認抱孫會令母親更開心,「唔一定,媽咪擔心一餐。(你未定?)唔係,你哋唔夠我清楚我阿媽。」她又續言媽咪冇催婚,任由她自由發展。至於細佬跟有夫之婦的緋聞,她表示未有跟進,反而擔心對方身體,因細佬肝同腎也不好。

hd