陳浩民自嘲鑑賞力低 唔覺《美女》有斷背情節

  陳浩民一家六口及陳琪與三名子女等出席《電影舞蹈工作坊表演暨「美女與野獸」電影欣賞》活動,由於真人版《美女與野獸》被指有斷背情節,有學校甚至發信叫家長罷睇,作為爸爸的的陳浩民就話自己冇收過信,但其實佢已睇過該片,唔覺得有問題。

  陳浩民仲自嘲可能鑑賞力低睇唔到暗示情節,不過,如果早知就唔會畀子女睇。問到係咪抗拒同性戀劇情?他說:「多一事不如少一事,免得麻煩。」對於張衛健重返TVB拍劇,他坦言一向都話會返去,只係檔期夾唔到,總之隨時等無線召喚,佢又指今次以家長身份出席活動並沒收酬勞。他說:「人哋畀機會個女上台表演,仲收人錢咩?多謝都嚟唔切。」

hd