Advertisement

包面Chilam陪做治療 袁詠儀 甜繞夫漫步 腳痛速瘉

        凍齡男神張智霖(Chilam)和太太袁詠儀去年合體亮相內地節目搵銀逾億,賺到笑的Chilam今個月終於有時間留港唞唞,仲笑說好得閒可配合恨生女的愛妻「造人」。日前下午,因腳痛閉關半個月的靚靚,在包包面老公陪伴下去中環睇醫生後精靈現身。靚靚着波鞋出關,有老公在身邊十級甜。她甜繞丈夫漫步中環十分鐘做「物理治療」後,過兩日就在微博自爆腳痛好番好多!激迷老公的靚靚,有「Chilam靈丹」,自然好番晒啦!採訪 : 李權威

        45歲的保鮮男神張智霖,早排連踩兩套電影和一套內地劇,包括增肥20磅接拍邱禮濤執導的港產驚慄電影《常在你左右》。片中Chilam為演活變態殺手的士司機一角,專登槽肥廿磅,笑言依家減了2磅,目標減15磅,已搵魔鬼教師操練去肉,最好瘦成一道閃電,「要做全行最瘦藝人」喎。日前三片齊煞科,Chilam即火速返港陪妻兒,仲風騷表示計劃造人仔添。

晒勝利笑容

  密謀追「雞仔」的同時,日前靚靚就在微博自爆,「最近一直腳痛的原因……經過治療,今天終於好很多。」咁啱好番前兩日,本報就在中環鬧市發現Chilam夫婦恩愛甜繞漫步。當日下午,超淡妝的靚靚穿波鞋繞夫現身中建大廈地下,靚靚手拎一袋疑似藥物和戰利品,似剛在樓上睇完醫生。有丈夫在身邊的靚靚,十萬個滿足。繞實型仔老公宣示主權的她,不時大晒勝利笑容,加上機關槍咁吹唔停,心情超靚。只見包面Chilam不失靚仔樣,他好錫老婆,雙手插袋chok行時都會與愛妻吹水。兩公婆恩愛放閃,行去新鴻基大廈取車。臨行入大廈時,張氏夫婦發現本報記者,Chilam笑口謂:「影得我哋靚唔靚O架!」然後上車走人。

唔黐家

  平日Chilam忙拍嘢搵錢,老婆袁詠儀亦好合拍地在港使錢。

hd