新幼稚園加入STEAM課程 楊婉儀目標辦小學

        由楊婉儀(Winnie)創辦的幼稚園「Golden Gate」早前停辦,幸好有新投資者請她營運另一所幼稚園,她順理成章將學生轉去新校,以免小朋友冇書讀。新校「STEAM International Kindergarten and Preschool」以與美國太空總署(NASA)合作的課程STEAM為主,慶幸大部份家長都支持,學生亦讀得開心。她與丈夫王帥勳(Simon)均稱:「其實我哋好有心去辦學,希望將最好嘅教育帶畀香港嘅小朋友。」未來目標則是辦一所小學。

早前Golden Gate被合夥人的遺產管理人入稟高院追討逾187萬元,Winnie指糾紛已進入法律程序,不便評論,只可說:「之前嘅投資者係有心人,只係大家方向唔同,但冇咗佢哋Support,我哋就唔能夠繼續落去。」幸好有朋友好支持他們的教學理念,決定出手相助,請他們辦另一所幼稚園,Winnie即時想:「新校最好係同區,等學生可以繼續讀。」Simon幾經辛苦搵到土瓜灣旭日街的新校舍。該校舍有兩層,對面是公園,附近又有中小學。Winnie續稱:「學生讀得開心吖,因為有新鮮感。」

添置新設備

  問她是否所有學生都同意轉新校?她坦言:「約有八成,其實家長有其他選擇都OK嘅,最緊要小朋友有書讀。」由於新校的註冊申請仍在審批,故現時以Play-based(遊戲為本)形式和親子班教不同課程過渡,未來則會主力教STEAM課程,為此他們聘請新教師,亦在新校添置望遠鏡、地球儀和太空模型等設備,他們開心表示:「學生啱啱同NASA上咗第一堂,大家都好興奮。」Winnie強調:「其實教育局(職員)之前嚟新校睇過,佢哋話OK冇違規,如果家長有疑問,好歡迎直接嚟搵我,我日日都喺度㗎!」

採訪:李佩儀

hd