Advertisement

發哥恭喜城城娶妻 阿倫盛讚方媛青春無敵

        郭富城昨正式迎娶方媛(Moka),眾圈中人包括譚詠麟(阿倫)、周潤發等紛祝福道賀;阿倫更自爆曾與城城打邊爐,與Moka有一面之緣,大讚女方青春無敵,而且好有禮貌。

        郭富城昨日大婚,圈中人紛為一對新人高興並送祝福。譚詠麟(阿倫)昨現身商台受訪,問到是否出席城城的婚宴?阿倫稱未獲邀請,但自爆曾與城城打邊爐及見過Moka,也戥一對新人開心,阿倫說:「食飯見過佢老婆,好Nice、好客氣又有禮貌。(靚唔靚?)靚!青春無敵!」

  發哥昨再現身養和醫院探望母親,當知悉城城結婚一事,即謂:「係咩?咁恭喜佢啦!」城城的前緋聞女友苟芸慧亦祝福道:「恭喜晒!祝他們百年好合,永結同心!」至於薛家燕昨午路經半島酒店,問到是否出席城城跟方媛的喜宴時,她連聲否認又送祝福:「祝佢哋永結同心、甜甜蜜蜜。」

G.E.M.拖JW舊愛遊日本

  另外,G.E.M.(鄧紫棋)昨被網友拍得於日本拖新歡拍拖,新歡正是好友JW的舊愛Mark,他現時為G.E.M.擔任造型設計,兩人早於去年初曾傳緋聞,想不起事隔一年終撻着。G.E.M.事後表示:「上年我已經決定咗直至到結婚之前,都唔會講感情狀況……不如留返啲精力放喺我愛嗰個人身上仲好啦。」

本報記者

hd