養家唔容易 可嵐 為兒子執平貨換季

        曾經歷家暴、跟丈夫分居兩年的可嵐近日已入紙申請離婚,要獨力養家的可嵐早前跟友人哭訴生活壓力大,每月屋租學費支出頗大,加上現時工作收入大不如前,但為免影響孩子心智發展,唯有見步行步。日前見可嵐現身觀塘童裝特賣場為兒子添購衣物,主攻數十元有交易的內衣褲仔,件件拿上手細心檢驗才入籃,為執平貨搞到滿頭大汗的她最終成功以五百元買兩大袋夏季新衣。

        單親媽媽唔易做,可嵐為讓兒子快樂成長,過去兩年來一直配合前夫跟兒子一起親子樂,誰知在剛過去的農曆新年,前夫竟沒預先知會下告知孩子「離婚」事實,令六歲兒子大受打擊,情緒出現問題,可嵐既氣憤又心翳,唯有見步行步,費盡心思開解孩子。

搶買平價底褲

  日前記者見可嵐單拖現身觀塘特賣場,見她在特價衫堆中左摷右摷,尋找合適尺碼的衫褲,現場人頭湧湧,早已滿頭大汗的可嵐照跟師奶團迫,在貨架上睇啱心水便拿上手檢視質料及價錢,現場主打售賣法國童牌PETIT BATEAU和HALLMARK童裝,因全場半價再七折,基本上數十元便有交易,堅係平過女人街雜牌衫仔。花近大半小時,可嵐提着一大籃內衣褲仔戰利品,埋單五百有找,抵到爛。

採訪:彭保迦

hd