首見張衛健面紅 蔡思貝望趁機多偷師

        蔡思貝最近在劇集《心理追兇》中,飾演平凡社工「童月」,做慣開朗活潑角色的她,起初也擔心做不來,後來發覺將自己在屋企的一面拿出來很舒服。談到最近在拍新劇《大帥哥》跟張衛健合作,思貝直言最初見到兒時偶像緊張到面紅,但會令自己冷靜,因這是個難得偷師好機會。

        思貝笑言接到將演「童月」,也覺監製夠膽,「以往冇人搵我演過呢類角色,佢竟然夠膽去試喎!後嚟拍落原來唔使用咁大能量去演戲係咁舒服,其實我都有咁沉靜嘅一面,不過要返到屋企先至會出現啫!」

合作似中獎

  除了愛上「童月」一角,思貝也跟戲中「哥哥」楊明,拍出兄妹情,「可能我哋都比較傻傻哋,雖然係第一次合作,但係大家好夾,戲裏面我哋相依為命,感情好好,我哋平日相處都好似兩兄妹咁,我o依家都叫佢『阿哥』㗎!」思貝更笑言,最難得兩人咁熟,竟然全套劇都冇傳出緋聞。

  近日思貝正忙於開拍今年台慶大製作《大帥哥》,仲有機會跟難得回巢的張衛健合作,特別興奮,「真係好中咗獎咁!我細個好鍾意睇《西遊記》,真係當咗健哥係孫悟空㗎!嗰日第一次見佢,忍唔住面紅,好耐無試過,幾尷尬呀!我哋有半年時間合作,好多對手戲,希望趁住呢個機會好好向佢偷師啦!」

採訪:杜淑霞

場地:香港九龍東 皇冠假日酒店

hd