為紀念外母加鬼戲 彭浩翔想拍《春嬌》電視版

        導演彭浩翔新作《春嬌救志明》,開場有段頗長的鬼故事,原來除為承接上輯,也為紀念已故外母,看到導演深情一面。不過導演當然不離搞鬼一面,戲中竟然要楊千嬅和余文樂對着他的「屎」來做戲。即將跳入電視圈拍港劇的彭浩翔,不但不排除拍《春嬌》第四輯之餘,更有意開拍埋電視版。

        演了三輯《春嬌》的千嬅和阿樂,一直強調「志明」的原型就是彭浩翔,看過電影不難察覺內裏很多導演個人喜好,以為今次加插長鬼故,他只為好玩,原來有更深層意義,「鬼故原創係我太太嘅媽咪,我太太細個成日聽佢講,我覺得好有趣,第一輯開始都有鬼故,而且外母都唔喺度,算係對佢一個紀念。」

只為喜劇效果

  聽完好有愛的背景故事,來個好有「味」的又如何!新戲內有場戲要千嬅和阿樂攞住自己的「屎相」來演,呢個又是咩玩法呢?彭浩翔笑得有點賤說:「我喺兩年前開始將自己嘅屎影低,點解本嚟係身體一部份嘅嘢到離開,大家從來唔會留意呢?(佢哋勁投訴仲要望住去做戲囉?)咁係喜劇效果啫!」

  千嬅和阿樂接受本報專訪好贊成《春嬌》拍第四輯,阿樂更提議10年後拍,可看到大家轉變,彭浩翔相當贊同,「其實每輯相隔嘅時間係耐咗,始終呢兩個角色大家咁有感情,唔係有好適合嘅故仔,唔想隨便驚動佢哋。」他認為也有可能拍成電視版,「睇你點寫啫!(千嬅同阿樂有冇時間去拍呀?)咁唔使集集都係講佢哋,仲有好多角色可以發展嘅。」

撰文:杜淑霞 攝影:李維隆 場地:好酒好蔡

hd