Advertisement

心悠怕凍拒穿性感睡衣

  劉心悠昨以睡衣Look出席一腕錶發佈會,心悠稱近兩年開始注重睡衣質料設計,覺得穿得靚靚有助輕鬆入睡,她說:「我每晚都瞓得好好,反而以前太多嘢諗,試過輾轉反側瞓唔到,以前愛回憶當日發生過嘅事,或者睇完一套戲而失眠,O依家上保母車即瞓,好幸福地擁有呢個絕技。」問心悠會否穿性感睡衣?她說:「太凍喇,我怕凍,鍾意多布一啲。」

  另外,心悠早前為新劇《深宮計》拍攝出浴戲,她笑言感覺得如在日本浸溫泉般舒服,劇組人員更於水裏灑浴鹽,問她浸足十多小時皮膚可有變乾?她說:「少少啦,但出嚟效果好靚,值得嘅。」

hd