傳醫院吵大鑊 吳綺莉卓林關係惡劣

        單親媽吳綺莉早前涉刑事恐嚇17歲女兒吳卓林,被捕後獲釋的她曾經在記者會上哭崩,求女兒回家。據知,兩母女關係仍陷於僵局,揚言壓力大到爆煲的卓林自泰國散心返港後傳自殺入院,留院期間每當見到母親就發狂驚叫,情緒極度失控。兩母女吵大鑊,嚇親其他人,卓林被逼由聖保祿醫院轉到其他醫院接受治療!

        吳綺莉母女的家事風波又發生,早於15年卓林報警稱遭母虐打,今年再度報警,控母親刑事恐嚇。其後卓林搬離大坑寓所在外暫住。到4月初,卓林跟朋友去完泰國散心返港後突然入院,頭兩日憔悴吳綺莉都有前往探望,之後無影。

好友撐無精神病

  據知情人士爆料:「每次吳綺莉到病房探女,卓林就會全身崩緊,成個人緊張到不得了。每當吳綺莉追問個女幾時返屋企時,兩母女都嘈交,有次卓林好激動,失控嚎哭同狂叫,嘈到拆天,驚動晒全層樓嘅醫護人員、病人等,院方唯有將該樓層暫時封閉,直至吳綺莉離開後先解封,同時亦勸佢唔好現身刺激個女。」所以事後吳綺莉表示:「暫時唔會去見卓林。」

  對於吳綺莉兩母女醫院吵大鑊一事,卓林好友龐景峰(Andrew)解畫說:「邊個唔同阿媽嘈過呀?好少事啫!我會抽多啲時間陪吓佢。卓林係O靚妹、好乖嘅,佢最鍾意動物,個人好純良,據我所知佢只係個肚唔舒服,唔係精神病,大家唔使替佢擔心,佢情緒冇問題。」

採訪:方騫平

hd