無晒儀態 粗口港姐馮盈盈擘大口「放蚊」撩眼屎

          下月23歲的應屆港姐冠軍馮盈盈(Crystal),屋企有米高高瘦瘦女神樣,仲有個十優醫生男友Martin,港大畢業嘅佢已踏入人生勝利組。但她當選後,火速被爆曾在facebook狂爆粗,被封「粗口港姐」。日前下午,傳唔肯被大台綁長約而一直撈散嘅馮盈盈,身光頸靚着住短裙仔獨自去金鐘太古廣場行名店。快將卸任,代表香港靚女嘅Crystal居然儀態盡失,當眾挨牆、打呵欠、撩眼屎等等,俾高層見到,使唔使call女神返去再培訓呢?!採訪 : 李維隆

        學士畢業讀香港大學食物及營養學的「港大校花」馮盈盈去年參選港姐。面試港姐時,她拎住價值近三萬嘅Hermès Garden Party,坐父親架價值近百萬嘅Tesla電動車亮相。結果5呎5吋高、亮麗清秀的她由頭帶到落尾,成港姐冠軍。近日盛傳她抗旨唔肯同無線簽十年長約,被投閒置散。不過Crystal否認傳聞,強調對娛樂圈工作感興趣,但不肯透露合約年期。

皮膚激白

  日前下午,皇帝女化咗個靚妝出沒金鐘太古廣場。當日Crystal長髮披肩、紅唇加長腿,成個model咁行catwalk現身,皮膚激白吸睛。她手拎Hermès Garden Party,身穿約5萬元的Chanel tweed jacket,貴氣去名店Chanel入貨。逗留十分鐘,大眼盈盈手拎一袋戰利品步出,又懶理着短裙仔,大步大步摩打腳兼沿途左顧右盼。原來靚女搵路,要去客戶服務部取泊車優惠。由於大排長龍,盈盈keep住做低頭族不停玩手機,等到攰索性挨牆唞唞。又不時睜大眼望向前面,極度唔耐煩。愈排愈火滾,等到打呵欠都唔用手掩口,再撩眼捽鼻,慢慢打發時間。排足十分鐘,終於到盈盈,她搞掂後就落車場取車離開。

hd