開心玄學被肯定 李丞責奪世界傑出華人獎

        為表揚世界各地的傑出華人,世界華商投資基金會於2003年創辦「世界傑出華人獎」,歷屆得獎者均是各界別的佼佼者,因為對社會有傑出貢獻而贏得獎項。今年舉行第十五屆,得獎者之一有著名玄學家李丞責博士,對於跟唔少猛人同獲獎項,李博士坦言又驚又喜,亦對於傳統玄學文化被肯定感到興奮,希望玄學在不久將來能變成非物質文化遺產。

        歷屆「世界傑出華人獎」得獎者均擁有非凡成就,包括首位華人諾貝爾物理學獎得主李政道教授,美國史丹福大學亞裔肝臟中心創辦人及執行主任蘇啟深教授及知名巨星劉德華博士等等,所以當收到電話通知得獎,李博士唔敢相信,「因為好多猛人同我嘅偶像都曾經攞過獎,我覺得係對社會有貢獻嘅人先可以拎到。」冷靜過後,李博士坦言獲得嘉許等同傳統玄學被肯定,佢覺得好鼓舞,亦認為獎項唔屬於佢一個人,係屬於所有為玄學出過一分力嘅人。

靚花贈老婆

  認為自己對社會做得唔夠多的李博士會再努力推動玄學,亦希望跟同行多分享,令年輕人多了解,從而增加就業機會,最重要流傳多年嘅傳統文化能有更好發展。問到太太對他得獎有何感受?李博士笑言︰「佢話喺佢心目中,我一向好傑出。」訪問過後,李博士便會同太太、囡囡及岳母去食晚飯慶祝母親節,「無話特別慶祝,一家人食餐飯簡簡單單已好開心,我買咗花同小禮物,一陣會畀囡囡送畀媽媽,多謝佢。」

撰文︰廖思慧

hd