Advertisement

老公拖實陪Shopping 初孕胡杏兒行兩步見支力

        前日,結婚年半的胡杏兒在社交網站宣佈懷孕好消息,李太表示最初佗B好辛苦,經常發冷又作悶想嘔,連胃口都無埋,加上首度佗B心情影響,唔覺意瘦咗幾磅,老公好心痛咁話。但o依家佗B四個月嘅杏兒佗得穩又開始習慣荷爾蒙變化,悶咗幾個月忍唔住要出街行吓,至尊愛妻號李乘德(Philip)當然陪到實。日前傍晚,Philip校啱時間喺利園一期門口接老婆去利園二期Shopping,路程好短,穿平底鞋嘅杏兒有老公拖住點對點,去到名店嘅37歲準媽媽企咗無三分鐘就要坐低唞,明嘅,高齡產婦係易攰啲。採訪:梁志明

        杏兒婚後講到明恨生仔,所以一有時間就同老公四圍歎世界享受無壓力生活,開心造人,結婚年半終於有好消息。周日下午,杏兒先喺ig貼咗一張托住個肚嘅相,之後再post BB嘅超聲波照宣佈有喜,最後再上載老公錫肚幸福照,杏兒仲留言:「感恩上天送給我們的禮物,Baby Lee已在我肚子裏做起仰臥起坐,爸爸及媽媽好期待同你見面!」睇字已Feel到杏兒嗰種非一般喜悅。

Philip緊張護妻

  因為無咁辛苦,目前杏兒正同老公在馬爾代夫享受三人世界。其實上月尾,懷孕三個半月的杏兒已出關,先約朋友在利園一期飲下午茶,穿西裝外套、鬆身褲及平底鞋的她狀態不錯,見她行出利園一期門口,Philip校啱時間駕車現身,唔想老婆等,之後杏兒上車放低一啲嘢,然後老公就主動拖住佢行去旁邊的利園二期,由一期行去二期路程好短,但杏兒都行得好慢,最重要Philip拖到實一實,去到名店,Philip先上二樓男裝部,杏兒則在下層女裝部睇袋,在店內企咗唔夠三分鐘,杏兒已經要坐低唞,在店內逗留半小時就離開。

hd