Advertisement

唔認絕種好男人 梁漢文8月開騷冧老婆

        45歲的梁漢文(Edmond)將於8月18及19日舉行第5次個唱《梁漢文/我的另一半音樂會》,由紅館大台轉移到只容納3、4千人的Star Hall,希望同fans拉近距離,重溫金曲。被讚係絕種好男人的他,問到係咪借主題冧老婆林文慧(karen)?他笑口否認:「唔好咁講,我只係做番男人、老公本份。都會揀幾首同老婆合作嘅好作品。」

        15年8月,梁漢文在紅館舉行兩場《中場表演2015》,目前正好係開展下半場音樂路。曾在紅館開過4次個人演唱會,加埋Big4、男人幫等先後開過25場,所以今次搞搞新意思在九展Star Hall,他透露會特別設計一個長形catwalk舞台伸展向觀眾席,仲有LED屏幕、另外又在日本請音響專家搞音樂,搵弦樂手等,盡善盡美。他認真說:「今次個show係開展下半場音樂路,對我同歌迷好重要時刻,我好重視絕對唔衰得,寧可收少啲,賺錢有好多機會賺。」

  梁漢文今次以《我的另一半音樂會》做主題,擺明冧老婆,他解釋:「其實主題同海報都係由林海峰設計,今次會揀一啲以前少唱但好聽嘅作品,好似《移情別戀》、《找我》、《聽說你愛我》等,之前都有喺社交網站開post為個唱收集fans點唱。不過,我都會揀幾首同老婆合作嘅好作品如《Hey June》,好記得有次喺桌球室有個外籍女士大讚《三千年開花》首歌好好聽,我都有話畀老婆知。」

採訪:方騫平 髮型:moe@fifth 化妝:hetty Ma 服裝:brooks brothers

塲地:THE LUXE MANOR帝樂文娜公館




hd