十月做老竇 張達倫拖大肚妻出巡買油

        在《愛.回家》飾演「嚴謹」的張達倫(Max),因外形討好又有觀眾緣,繼《全職沒女》後,在新劇《不懂撒嬌的女人》亦同樣搶戲;日前見快將做爸爸的張達倫陪老婆Kimmy拍拖遊HMV,此行除選購靚媽必備的CIPU空氣包外,還有連洗米嫂Heidi都極力推介能有效預防妊娠紋的摩洛哥堅果油,咁細心,果然係廿四孝老公。

難得唔使開工,張達倫即陪老婆Kimmy到HMV選購心頭好,見兩人十指扣睇Hi-Fi試耳機,全程細聲講大聲笑,甜到漏。

朋友轉贈BB用品

  行至近期備受靚媽熱捧的CIPU空氣包專櫃,張達倫即顯得十分雀躍,把有親子款式的背包逐個孭上身畀老婆揀,牛仔、碎花、星星個個啱睇,最終揀了個size最大的包包作奶粉袋用,之後又走到櫃台選購備受圈中靚媽歡心的摩洛哥堅果油,見Kimmy拿sample試滴上手,張達倫即貼心地為她按摩,最後連掃三支回家。

  張達倫事後接受訪問表示,身邊朋友轉贈BB用品,BB車、牀、衫仔諗到都有,所以出街都係買嘢畀老婆,他說:「支油係諾懿介紹,話搽完皮膚好有光澤,可預防妊娠紋,咁當然要買畀老婆,至於BB用品暫時只買了個太空包,因為真係夠大又夠輕身,老婆話買來做奶粉袋一流,其他都係朋友轉贈,盈盈亦都有幫我傾sponser,真係好開心,個仔未出世就大豐收,老婆打算餵人奶,所以如果有粉奶贊助就好,可補給一下。」

撰文:彭保迦

hd