自認麻甩不撒嬌 高海寧爆鄧智偉勁投訴

        「性感女神」高海寧以往不時在演出中大賣性感,但她一直認為這只會令外間抹殺她的努力,最初《不懂撒嬌的女人》監製講明不用她性感,令她開心有機會考演技,但同時又緊張跟前輩林文龍和宣萱有大量對手戲。女神外表的高Ling,還自認似麻甩佬唔多識嗲,大爆經常被音樂人男友鄧智偉投訴。

        繼在泳池色誘大老闆游生(袁文杰飾)後,高Ling在《不》劇只有場挑逗Gordon(林文龍飾)戲較性感,已令她好滿足,「其實我真係唔介意性感,但唔想成日將性感做焦點,大家會睇唔到我嘅努力,好想大家留意我嘅演技。」

女神愛生B

  談到演技,面對難得回巢的前輩林文龍和宣萱,高Ling起初好擔心,「真係驚㗎!尤其係『龍爺』(文龍)Cool Cool哋難捉摸,但佢主動提點我後,就放鬆好多,後尾佢仲有讚我做得OK,真係好開心。Jessica(宣萱)就好認真,佢啲對白最多,佢會專登早啲攞劇本去背,但到現場永遠一、兩Take就搞掂。」

  談到尤物外形的高Ling,本身必是撒嬌高手,她卻強烈否認,「我內裏係個麻甩佬嚟,除咗叫爹哋幫手先嗲吓外,其他人就算係男朋友都冇,所以成日俾佢投訴,佢會製造驚喜好浪漫㗎!我真係要學吓。(佢咁好幾時嫁?)我好鍾意小朋友,想35歲前生BB,仲有幾年時間,但係大家有共識嘅。」

採訪:杜淑霞

hd