Advertisement

受父影響愛上西裝 周國豐 開一站式西裝店圓夢

        已故大律師周啟邦的獨子周國豐(Brandon),12年開始經營牀褥生意,之後連律師都唔做,15年在鴨脷洲開設生活品味概念店,不過他真正的夢想是開西裝專門店。這緣於他受父親周啟邦對衣着講究的影響,加上他愛着西裝,對西裝又有一定研究。兩年前他決定著手籌備,恰巧認識了拍檔Roger,對方除了愛Fashion,做開酒業生意的他,提議引入日本著名酒吧和韓國Barber Shop,做一站式的服務。位於中環的新店「Attire House」今年初正式開舖,Brandon稱生意不俗,現時他每天都會返舖頭巡視,希望生意盡快上軌道。

周國豐表示爸爸教懂他很多着衫的心得,加上在英國返學要時常着西裝,所以對西裝特別有興趣。回港後他成為大律師,更加要日日着西裝,令他更熱愛和花心機去研究。8年前他有意在港開店,便到英國西裝街搵裁縫傾合作,但因裁縫們覺得連本地生意都做唔切,便拒他於門外。至近年亞洲巿場需求大增,Brandon又再試吓,今次就順利得多,他還到法國、意大利和日本,前後見過二十幾個裁縫。他大讚:「人手造嘅西裝注重質量,又Fit到你身形,雖然時間係耐啲,分三次度身,但會根據你身形畫一個屬於你嘅Pattern,可以話係獨一無二,好似件藝術品咁。」

唔諗幾時回本

  15年他著手籌備新店時認識了Roger,他同樣鍾意男裝,兩人一拍即合。「當時Roger同日本銀座間Bar High Five酒吧嘅老闆有啲交情,同時又發掘咗間韓國著名嘅Barber Shop,佢話可以做個一站式嘅Gentleman concept。」Brandon好同意。但由於一間舖要將三個元素放埋一齊有難度,幸好搵到兩層店舖,解決了設計上的問題。現時他每天都會返舖頭,他表示:「Roger傾生意多,我就Creative多啲如入咩貨、啲嘢點擺,甚至畀啲Marketing嘅Idea,大家分工合作。」

採訪:李佩儀

hd