做飲食節目要自己買料 杜汶澤幫人幫到底

        杜汶澤近半年忙住為奇妙電視做節目,《杜汶澤食住上》明日首播,阿澤為節目碌盡人情卡,搵嚟大量老友做嘉賓撐場,包括鄭中基、林海峰及鄧麗欣等。估唔到連做節目嘅煮食材料都由阿澤去買,呢啲主持去邊度搵?

        奇妙電視本周日正式開台,但好多人話搜尋唔到台,喺有關fb page留言查問又得唔到答案,有網友話「搜台變搜空氣,官網又無直播同重溫,啲節目做畀邊個睇?」集體畀嬲嬲都唔知點收科,有人更留言最想睇杜汶澤個節目,而家台又搵唔到,離晒譜咁話。

趕住做節目

  日前下午,呢期愛帶氈帽嘅阿澤一支公去ifc超市買餸,唔記得帶環保袋嘅佢離開時拎住一個大膠袋,裏面有菜有肉仲有啲調味料,見阿澤行得幾急,原來趕住去接待處吸停車場印仔,問阿澤今晚煮乜餸,佢話做節目用,「準備定今晚做節目啲材料啫。」做主持,幫手搵嘉賓,仲要自己買埋料,好抵用。

採訪:李權威

hd