為戰泰拳拳王 歐錦棠 抬石油氣狂操

        本身是空手道黑帶高手的歐錦棠,最近為跟太太萬斯敏創立的「劇道場」再寫新舞台劇《擊動情心》,安排自己演拳手。雖然阿棠有武功底子,但54歲的他為拍得住「16年全港泰拳總冠軍」韓焯堅的對打戲,唯有日日狂操,還抬着石油氣來練氣,他笑言已由「陶大宇」變成「吳鎮宇」,胸部及全身線條結實不少。

阿棠在練拳時,看到拳套「GLOVE」字,想到內裏藏「愛」,決定        寫一個有關拳擊和愛的故事,「香港舞台劇冇乜講過拳手,今次加埋父女情,應該比較新鮮,但喺搵新演員比較花時間,好在演我個女不同年紀嘅演員都順利搵到。」

冧爆前世情人

  07年曾奪空手道冠軍的阿棠,今次更邀得「泰拳拳王」韓焯堅演出對打戲,為了輸人唔輸陣,唯有日日抬石油氣狂操,「之前演《科學怪人》已經開始搵『拳王』幫手操番大隻啲,雖然自己有底,但之前真係唔得,O依家真係好似由『陶大宇』變咗『吳鎮宇』,胸肌結實晒,膊頭每邊闊咗成吋,腰又細咗。」

  為了新鮮感,阿棠安排斯敏做勁粗魯教練,斯敏說:「講粗口又麻甩,同自己好唔同,特別好玩。」入行多年的阿棠,還首次挑戰老竇角色,斯敏更玩踢爆,「佢畀兩個囡冧到暈呀!」阿棠解釋,「佢哋演我個囡唔同年紀,兩個都好嗲我,特別9歲細嗰個,叫我嗲哋又攬住我,終於明白點解係前世情人啦!」

採訪:杜淑霞

hd