Advertisement

Shopping快狠準 王曼喜會新歡笑晒口

        14年,名模馬詩慧(Janet)與王敏德(Michael)的24歲大女王曼喜(Kayla)大方「出櫃」承認同志身份,去年8月她自爆與外籍女友因分隔兩地太耐而分手,療傷一段時間後同年尾已有新歡登場。早前她獨自在銅鑼灣shopping,再到咖啡店坐咗陣,原來是等新歡揸靚車來接送。兩人一見面即笑晒,然後雞啄唔斷好sweet。雖然Kayla呢一刻唔認有新歡,但觀兩人身體語言交流,非拖友都一定係密友。

        自回復單身後,Kayla專心經營她開設的公平貿易兼有機產品時裝網店basics for basics,閒時亦會同靚媽Janet出席活動。今年3月,一向愛攝影的她在置地文華東方酒店舉行了《Women Empowerment》攝影展,亦不時在社交平台上載生活照,早前她在Instagram post一張背部全裸的出浴照,引起不少網民關注,事後Kayla表示相片好健康,構圖亦好靚,唔明點解咁多香港人大驚少怪。

快閃買禮物

  早前她趁沒有工作在身,便到銅鑼灣利園Shopping。她先去買了支紅酒,然後再到Anya Hindmarch買卡片套。後生女唔麻煩,揀嘢好快手,唔使10分鐘就揀完,然後搵Sales幫她包好,應是買禮物送給朋友。只見她㩒完電話,便上了三樓的Starbucks買咖啡飲,然後悶悶不樂咁坐喺一邊。約20分鐘後,她睇完message便急急離開,原來是新歡揸住架BMW到商場樓下接她。二人一見面笑得好開心,然後在車內暢談咗一陣先捨得開車走人。

採訪:梁志明

hd