Advertisement

恨生B 勤運動 34D CoffeeBra top黐仔火辣夜跑

現年27歲的爆乳林芊妤(Coffee),早前笑言有仔趁嫩生,唔排除未婚生仔。加上她認為拍拖年半的有米ABC男友Weng Chak有良好基因,隨時ready生B。日前晚上,Coffee在大隻男友督促下夜跑健身。見她bra top露腰晒馬甲線、緊身運動褲盡顯美好身段,加上香汗淋漓,睇見都hot!跑完8公里,二人手拖手甜蜜行返上環同居竇。

採訪 : 李維隆、李權威

        34D靚Body的Coffee,先後跟港男羅天宇、江湖猛人「上海仔」郭永鴻及半億有米闊少梁耀鵬(Jeff)等傳緋聞。直至年多前,她秘密與手瓜起𦟌的澳洲籍有米男友Weng Chak暗拖,更視對方為結婚對象。而任職銀行的Weng亦符合晒女友的生仔對象條件,Coffee曾說:「好老公要有好基因、身體健康兼IQ、EQ高,現任男友樣樣都高分。」即笑言要趁年輕生夠兩個,亦唔排除未婚生仔。

跑 公里 返愛巢

  日前晚上8時許,愛跟運動狂男友勤做運動的Coffee,身穿bra top、緊身運動褲去夜跑。二人由跑馬地附近開始,經中環跑向中上環愛巢。用了大半小時跑了8公里,身水身汗,尤其着得好hot的Coffee大晒馬甲線,香汗淋漓,鬼咁惹火。跑過蘭桂坊後,二人終於停低漫步,一邊傾偈一邊甜拖行返屋企。雖然渾身是汗熱辣辣,但Coffee都愛拖手撒嬌,不時主動與男友十指緊扣做連體嬰,恩愛放閃。就算發現記者,兩人都大方笑笑口,繼續沉醉二人世界。

hd