Advertisement

「咪神」狂操馬甲線 36E陳婉衡布吉

半裸大解放

        擁36E驕人上圍的無線新「咪神」陳婉衡Alycia,每次出鏡例必性感去盡,加上練出令人眼紅的馬甲線和渾圓靚股,吸金CP倍升,難怪炎夏未到已被招喚埋位拍攝新一輯Amazing Summer節目。身材弗到漏的Alycia早前更飛到布吉提早「倒奶」迎夏日,全程三點式跟陽光玩遊戲,返到酒店更即興拍下半裸出浴寫真,僅以泡泡遮心口,私影靚相,火辣爆燈。撰文:彭保迦

        無線改革開放後,一班肉彈囡囡胸羣而出,當中最吸睛的,莫過於華姐出身的陳婉衡Alycia,36E上圍配23吋小蠻腰,CP值爆燈,加上每次落場玩水着活動都唔錫身搏到盡,難怪能穩坐「咪神」寶座。

考慮到天體海灘

  炎夏未到,Alycia已聯同陳瀅、雨僑等人埋位拍攝新一輯Amazing Summer節目,大玩瘋狂水着遊戲,最近又飛到西班牙拍攝新一輯《3日2夜》旅遊節目,身在巴塞隆拿的她預告要勇闖天體沙灘,「這邊天氣好好,海天一色,最正係見到有好多型男索女無上裝曬太陽,個個都操到好fit,腹肌好結實,我睇得好開心,過兩日會落沙灘玩。」

  說到早前的布吉之旅,Alycia坦言每年暑假都爆騷,所以預先給自己一個假期小休,可惜遇上當地雨季,曬太陽的時間不太多,細雨綿綿惟有留在酒店房影相自娛。

拍戲唔敢露三點

  池畔比堅尼相,張張有睇頭,閂埋房門的性感肉照更惹火,Alycia笑言拗腰趷pat是指定動作,「你都唔知拗腰拗得我幾辛苦,因為同行朋友買了部新相機,所以影咗好多靚相,我主要係被『試機』,好開心,出來效果好靚,可能人在外地會更輕鬆自在,即使半裸出浴都好自然。」

  問到性感底線,Alycia笑言只敢露pat pat,「我未敢露三點,不過如果遇到好劇本和好對手都唔介意露,但就唔想為露而露,對手係梁朝偉的話,我諗我夠膽去盡。」問到緋聞男友黃毅進會否唔高興?Alycia即撒嬌說:「我哋係好朋友,大家都係呢一行,好明白,只要係健康性感,都唔使攞批文嘅。」

hd