為母第二度返娘家 林韋辰無憾送最後一程

        86年第二期無線訓練班入行的林韋辰,早前第二度回巢簽TVB,在首部參與劇集《踩過界》飾演律師「韋國涵」。阿辰重返娘家,最初只為照顧病母,想不到去年拍攝期間,母親病逝,加上醉駕被停牌半年,令演出經驗豐富的他,情緒一度受影響,幸好能陪伴母親最後一程,已覺沒遺憾。

採訪:杜淑霞 場地:香港九龍東皇冠假日酒店

        曾被喻為「亞視一哥」的阿辰,2013年約滿亞視後,便主力在內地發展,去年為照顧患病母親決定留港發展,「媽咪本嚟同爸爸喺內地住,但成日要返港覆診好麻煩,三年前就搬返香港同我住,但我成日喺內地工作,都係冇乜時間陪佢,所以舊年決定簽返TVB,習慣咗自己照顧自己咁多年,都想試吓畀經理人照顧。可惜媽咪未睇我第一套作品就過咗身,好彩嗰日啱啱唔使開工,送到佢最後一程,呢幾年成日陪住佢,自己都冇乜遺憾嘅,但第二日仲要拍同(李)佳芯好sweet嘅戲,自己情緒真係有啲影響㗎!」

跟李思雅分手

  阿辰形容《踩過界》是永世難忘的作品,除了拍攝期間母親離世,也因多年健康形象,差點因醉駕而毁,「嗰日喺尖沙咀做司儀,飲咗杯香檳就出事,雖然只係超標小小都係唔啱,自己係公眾人物要小心,呢個係一個好好教訓同警惕。」結果他被罪停牌,首次嘗到冇車開工滋味,「真係好唔慣,最慘嗰時要出入醫院探媽咪。」談到跟年齡相差23載的李思雅一段情,原來兩人已分手兩年多,「舊年有傳媒影到我哋去睇戲,其實已經分開咗,但係我哋仲成日有聯絡,仲係好朋友嚟。」

hd