回復自由身 張惠雅好得閒睇戲High tea

        28歲嘅前Hotcha成員張惠雅(Regen),今年先後同Neway及TVB約滿,現回復自由身嘅佢正修讀中醫課程。日前下午,童顏Regen現身中環ifc買飛睇戲,之後join番個女性朋友去悠閒食tea,唔做藝人,生活變得好寫意! 採訪 ︰ 張詠森

        童顏Regen面有酒窩,出道時被指有啲似楊思琦而幾受歡迎。惜入行無耐,被指介入陳法拉和Neway薛世恒嘅婚姻,被放逐澳洲。其後,佢有機會入大台拍劇賺番啲人氣,點知14年去武當山拍《潮拜武當》時又與有女友嘅張景淳撻着,二人回港暗交,被本報斷正。事後,男方哭求正印宋雙佳復合,「小三」Regen卻形象插水,無乜嘢撈,半年前索性讀中醫,為退出娛圈鋪路。

緋聞累事

  日前下午,間中都會拍吓網劇嘅Regen和女友人行ifc。兩女先分頭行動,Regen負責去戲院買定戲票;女友人就去排隊等食fusion泰菜。身材的骰嘅Regen化咗妝又拎個小布袋做銀包,畀完錢就急步去搵友人醫肚。唔使十分鐘,兩女入餐廳嘅角落位食tea,半退出娛圈嘅Regen全程無人認出。咁佢就可以好悠閒咁一邊玩手機一邊食,坐足個半鐘,才他他條行去睇戲。

hd