Advertisement

「濕平」專吼健康產品 50歲王愛倫唔識老

        王愛倫(Ellen)係前港姐兼慧妍雅集信託委員會副主席,芳齡50但一啲都唔似。因為兩位囝囝經常喺娛樂版出現,所以王愛倫個名嘅曝光率都好高,但今次唔關囝囝事,係佢自己。日前下午,Ellen去銅鑼灣崇光行街「濕平」,睇吓天然護膚品試吓健康涼鞋,全部健康嘢,明白點解佢五字頭都仲Keep得咁好。採訪:梁志明

        因為大仔林建億(Chester)經常Post攬啜鬼妹相到社交平台,又鍾意攬囡囡去老蘭夜蒲,Chester同Play Boy兩字好似劃上等號,不過,王愛倫好高智慧,被記者問到大仔係咪好花心,佢咁答:「我覺得佢係未定性啫,後生個個都花心㗎啦。」係囉,後生仔唔貪玩唔通等到50歲先嚟玩?

買嘢諗過度過

  日前下午兩點,零妝好Young嘅Ellen去Sogo行街,佢先去睇鞋,因為全場做緊六折,佢一眼就睇中二千幾蚊嘅健康涼鞋,着上腳行兩個圈,可能覺得唔太啱又無買,然後再去睇天然護膚品,試吓呢樣同嗰樣又同Sales傾一陣,買咗啲精華素之類嘅補品就離開。

hd