身形細粒變Icon 陳慧敏新碟親自送貨

        因參加TVB「超級巨聲」而出道的澳門歌手陳慧敏,相隔兩年,即將在本月底再在港出碟,她坦言非常期待。這張專輯籌備一年,碟中嘅歌大部份由她創作。碟名《一粒嘢》非常有趣,她解釋在朋友眼中自己好細粒,好似一粒嘢,以前好介意,現時反而成為自己的Icon。早前該專輯在澳門推出反應不俗,她期望香港的樂迷都會鍾意,並可於今年在港開音樂會回饋歌迷。

        陳慧敏自少已喜歡音樂,小學三年級開始學小提琴,至10年參加《超級巨聲》時才開始接觸結他。訪問當日,她更用結他自彈自唱她最新的派台歌《城巿人》,「呢首歌講述城巿人因壓力大忘記自己真正要追求嘅事,希望大家聽咗會有反思。」而《慧敏歌》則是她初出道時創作的,雖然有點幼嫩,但她笑言:「o依家想寫都寫唔番。」她表示今次除了創作,亦參與了很多籌備工作,最難忘是開始時十分倉卒,「監製同我講話澳門文化局有資助,不如做隻碟,點知10日前話要交表,又要諗碟名,又要諗唱咩歌,仲要唱埋Demo。」

望在港開音樂會

  提到碟名《一粒嘢》,慧敏哥就解釋:「一粒嘢當然代表我自己,因為我喺人哋眼中係個好細粒嘅人,有次同朋友Gathering,因啱啱做完嘢拎住個結他,又拖住個篋,佢哋話我係一粒好勁嘅3A電;以前我怕人話我細粒,我好自卑,但o依家成長咗,覺得係經歷嚟。」早前新碟已在澳門推出,慧敏哥話第一批碟她更有份送貨,她表示:「因為澳門好細,得幾間CD舖,但之後聽老闆講話好快要補貨,聽到都開心。」嚟緊就會在港推出,她希望可以順道舉行音樂會,「因為香港未開過,好想今年成事。」

撰文:李佩儀 攝影:李維隆 場地:BRICK LANE Gallery

hd