為圓兒時夢想 莊思明做新人勇闖樂壇

        拿督女莊思明(Lisa)年初簽約做歌手,本月21日她將與蔣嘉瑩及新人麥晴茵(Mary)等在九展舉行《我們的K歌演唱會》。30歲的Lisa做新人從新開始,她坦承:「係冒險嘅,家陣歌手好難做。不過都係憑住『不忘初衷』4個字去出發,追求番十多歲時嘅夢想!」。        演唱會以K歌為主題,莊思明揀唱偶像鄭秀文的《愛的輓歌》及盧巧音的《好心分手》。問到男友楊明可會前來捧場?Lisa卻說對方要拍劇,未必有時間,她笑說:「我又唔可以要求佢曠工嚟睇我演出,其實去年我做過一個音樂會,佢都係拍劇嚟唔到,我都習慣晒啦!」她承認男友係佢小Fans,對她唱功有讚冇彈:「佢嘅意見唔夠中肯,每次都話好!(佢眼中你人靚歌甜?)哈!又唔係,佢唔夠膽講怕傷我弱小心靈啫,其實我都係佢Fans,佢唱歌都唱得唔錯,係怕醜小小。」

  23歲新人麥晴茵屆時會唱鄭秀文的《獨家試唱》及為她度身創作的新歌《對不起青春》,坦言歌曲寫出她要追夢的心聲:「入行受到家人強烈反對,爸爸81歲好期望個女憑本身專業搵份穩定工作;身在加拿大嘅三叔更來電表示擔心到三日瞓唔着!家人眼中以為娛樂圈人易學壞,冇前途。」36歲的過氣歌手蔣嘉瑩,日前在TVB《經典金曲50年》重唱亞視劇集《殭屍II》主題曲《假如真的再有約會》引來迴響,但她無意重返樂壇做全職歌手。她謂現時專心做時裝工作及湊仔:「攞番支咪唱歌真係幾過癮,日後有適合節目都會亮相。」

採訪、方騫平 莊思明髮型:Nelson Chang@HAiR 場地:Big Echo i-Box

hd