廿四孝老公人辦 陳智燊為老婆做外賣仔

        啱啱講話做外賣仔有機會月賺萬七蚊,真係好搵過好多工㗎!估唔到即刻有藝人轉行送外賣,仲係免費做O添!邊個咁抵得諗?咪係陳智燊囉!話說日前他單拖在中環現身,見佢又買咖啡又買朱古力送去髮型屋,不過呢項特別服務,受惠者只限於佢個靚靚老婆宋熙年,其他人就難有機會受惠啦!

        陳智燊去年成功抱得美人歸,跟07年「國際華裔小姐」冠軍宋熙年成婚,婚後兩人繼續甜蜜到爆,早前貼出合照,陳智燊做了跟「3」字一樣的「OK」手勢,令外界誤以為他們有喜3個月,不過他們澄清,當日陳智燊只是讚老婆演出「OK」。

齊扮靚靚出騷

  陳智燊和宋熙年雖然未成功造人,但甜度一樣爆晒標。日前下午三點幾,兩夫妻在中環置地下車後,宋熙年急急腳行入髮型屋,陳智燊單拖在商場逛,但一樣好鬼忙,他先到咖啡店買了兩杯咖啡和餅,之後再轉去「Tods」攞咗對男裝懶人鞋,跟手再去咗「See's CANDIES」買朱古力。

  完成連串任務後,陳智燊便一個箭步趕往髮型屋,沿途他解釋當日跟宋熙年齊齊有工作,於是一齊去整頭髮扮靚靚。不過,從陳智燊行蹤來看,除了對男裝懶人鞋外,咖啡和朱古力似乎都是為老婆服務居多,而且買完仲快快手去送,慌死咖啡凍同朱古力會溶咁樣,呢個專業外賣仔認真廿四孝。

採訪:李維隆

hd