處女音樂劇又唱又跳 林穎彤唔怕同林欣彤比較

        被踢爆翻撻容天佑,24歲的林穎彤(Bella)不堪壓力再度分手!冇拖拍,Bella唯有寄情工作,集中精神做音樂劇《我和青天有個秘密》。處女登場,問她可會邀請「前度」撐場?她耍手擰頭:「都過咗去啦,而且我有咁多朋友請唔晒,係都自己買飛啦!」真係無拖無欠,劃清界線喎。

        一連40場的音樂劇《我和青天有個秘密》將於8月18至9月17日於新光戲院上演,去年林頴彤憑《城寨英雄》悲劇人物「鑫鑫」上位,連音樂劇導演陳恩碩都睇中她既有幽默感又唱得,安排她及林欣彤(Mag)分段演出同一角色扮着古裝的外星人,每人各位佔20集,先由阿Mag打頭陣。由於導演要求嚴謹,每位演員必須按對白動作表演,Bella戰戰兢兢,唔想拖垮團隊,所以先向Mag偷師及交流心得。提到阿Mag有「小巨肺」稱號,問她可擔心唱歌比了下去?她笑說:「我又冇諗過同人比較,只係盡力做好件事,我唱歌都OK㗎,哈!可能唱完之後有人發掘我做歌星O添!」

偶像係向海嵐

  因為同過往工作形式好唔同,Bella形容今次演出每分每秒都係學習,比做慘情戲更有難度,坦言最初都懷疑自己能力係咪可以應付做20場:「不過既然導演對我有信心,咁我咪盡力嘗試。都好嘅,今次可以同到我兒時超級偶像向海嵐同台,就算冇對手戲都係好。細個時我最鍾意睇佢嘅《楊貴妃》同《無頭東宮》,佢做娘娘做得好正,每晚睇完我就會娘娘上身,喺個被竇入面重講一次佢嘅對白,O依家我見到佢好似見娘娘咁恭恭敬敬,佢真係好靚女 ,個人又好,隨便問我一句:『食乜呀?』我都冧到暈,開心到不得了,不過我怕醜唔夠膽主動同佢傾偈,只係遠遠偷望佢咋。」

採訪:方騫平

hd