Advertisement

與Gary齊設計沉香飾物 歐陽妙芝抱病上陣拍廣告

名模歐陽妙芝與著名化妝師Gary Chung除了是化妝學校的拍檔,今年初更一起收藏沉香。幾個月前他們認識周大福珠寶後人兼「福榮堂」老闆周樹堂,大家對沉香同樣有濃厚興趣,於是周老闆邀請他們為品牌設計沉香飾物。花了兩個月時間,二人以非洲Amani Nakupenda為主題設計了18件飾物,有手鏈又有頸鏈。早前二人更在周老闆公司拍攝一輯平面廣告,拍了約4小時便完成。撰文:李佩儀 攝影:李維隆

        今年初迷上沉香的妙芝和Gary,自認識周老闆後,三人經常交流收藏「沉香」的心得。周老闆除了出售沉香,自己也是沉香愛好者,在公司擺放了很多珍品,他覺得大家對沉香常有誤解,「個個都話好貴,其實沉香有好多種,有啲可以好大眾化。」他一直希望將沉香推廣開去,去年開始推出沉香飾物,他見妙芝和Gary同樣熱愛,便邀請他們來個Crossover,為品牌設計一個新系列。Gary續說:「沉香同大自然息息相關,又帶啲民族色彩,而妙芝因為學緊唱歌,佢話加入音樂元素更加正,於是就諗到非洲Amani Nakupenda,代表愛同和平。」

價錢有平有貴

  落實了主題,向來愛自製飾物的Gary負責整Sample,「手鏈易穿啲,頸鏈繁複啲,有條穿咗幾晚先完成,穿到手指甲都崩晒。」為了加入非洲元素,他們更從非洲訂購了當地人親手造的彩色珠仔。穿好後,他再與妙芝商量邊件好看,最終作品有18件,價錢由港幣880至28,800元不等。拍廣告當日,Gary為妙芝設計了一個包頭巾造型,非常搶眼,妙芝好鍾意仲話之前未試過。只見她面尖尖消瘦了,她坦言:「最近成日頭暈,原本想改期,後來睇完醫生食咗藥好啲,所以決定照拍。」他們稱廣告將於8月出街,並會與周老闆繼續合作。

hd