Advertisement

古天樂畀貓喵冧爆

  向來Cool爆的古天樂,除了能畀「五個小孩」將冰山劈開外,最近多了一隻巨貓喵冧得掂他,就是合作電影《喵星人》的「犀犀利」。呢日古仔連同「犀犀利」一齊接受訪問,古仔單拖答問題時,本來一貫無乜表情,但見到「犀犀利」出現即時笑晒,又主動為牠充當翻譯,最後更被牠一下冧招,搞到完全唔識招架O添!

        古仔發覺近年網上有關貓喵的短片都極受歡迎,貓奴貓癡一大堆,於是跟合作過《五個小孩的校長》的導演陳木勝,決定聯手製作一套有關貓喵的電影。相對於跟真貓和卡通貓合作,古仔認為各有難處,而跟「犀犀利」合作,最困難是要靠想像力,「拍攝時『犀犀利』係無表情,演員要靠自己幻想,所以事前特別係同兩個小演員交代清楚,好彩扮『犀犀利』嘅默劇演員,能夠單靠動作已經好有戲味,令其他演員容易投入好多。」

賣萌除Cool

  戲中古仔飾演一對子女的爸爸,他覺得跟小演員合作不算困難,一來已有《五個小孩》的經驗,加上兩個童星黃星羱和劉楚恬相當專業,「係囡囡(劉楚恬)要扮隻腳有事麻煩啲,同埋佢係為食啲囉!」古仔又透露戲中「犀犀利」要扮鬼扮馬的造型設計實不容易。此時「犀犀利」突然現身,古仔見到牠忍不住笑晒,牠更以動作表示同古仔合作得好開心。要 求「犀犀利」做萌樣冧古仔,牠即時飛撲埋去古仔度又摸又攬,搞到古仔不知所措,Cool樣全消,果然冧功一流呀!

撰文:杜淑霞 攝影:謝民光 場地:Mustard Seed

hd