Advertisement

認跟醫科生了解中 朱千雪為學業未諗婚事

        朱千雪繼跟TVB請假1年修讀中文大學企業傳播社會科學系碩士後,舊年再接住修讀香港城大學法律博士學位,由於要兼顧學業,難遷就拍劇時間,已有年半冇劇開的她,最近終在《踩過界》中演出,令她相當興奮。談到早前被指跟澳洲讀醫科的Justin Ng拍拖,她承認兩人了解中,但談婚論嫁就要等讀飽書再諗。

        千雪自認是個慢熱的人,但《踩過界》班底大部份人都合作,還跟最佳拍檔王浩信再演情侶,令她很快投入,「講我哋係分開咗好耐嘅舊情人,咁啱我哋有段時間冇合作,呢個最熟識嘅陌生人感覺啱晒,不過再同浩信演戲,發覺大家都成長咗,佢第一日同我開工都話『你變咗好多,不過係成熟咗好事嚟嘅』。」雖然千雪只佔7集戲,但角色令她好有滿足感,「個角色好似個『女神』咁完美,要演到令人信服係有壓力,同樣亦好有挑戰性。」

得失難計算

  今次千雪花掉聖誕假演出,她認為有監製肯遷就樂意放棄假期,「好多謝監製肯就我,其實我唔介意假期開工㗎!亦唔介意戲份多少。」為學業放棄正值上位期,千雪強調絕不後悔,「其實將來嘅事無人知,況且o依家有啲工作反而係因為讀咗書,所以得失真係好難計嘅。」談到早前有傳她跟澳洲讀醫科的Justin Ng拍拖,「我哋係了解中,但目前最緊張都係完成咗學業先,呢個暑假仲要去律師樓實習。(幾時嫁?)呢啲讀完書先諗啦!」

採訪:杜淑霞

服裝:Caxx Carash

hd