Advertisement

包到冚夜蒲 DaDa喪笑 揸摸猛男胸

        28歲的DaDa陳靜,出道時狂show34E胸器俘虜宅男,近年就封胸揀戲拍,十級低調。日前Happy friday,自稱單身嘅DaDa孖成班好友夜蒲蘭桂坊,戴帽長袖包到冚嘅佢連玩兩場,玩到凌晨3時離開時仲要企街狂傾,男仔friend個個哄埋女神吹水,被o氹到喪笑嘅DaDa玩到顛,雙手在大眼猛男上半身游走,肆意摸摸!

        今個月將開拍新戲嘅DaDa,日前周五晚上趁未開工,就約班friend去老蘭癲番晚。當晚,薄妝DaDa戴cap帽長衫長裙密冚先去Dragon-i。玩至凌晨一時許,佢和兩名女友人落樓梯,轉去樓下間夜場再玩。直至近三時,三女和另外四男一齊走人。走出夜店,DaDa亦戴上口罩掩人耳目,眾男女意猶未盡,企街吹水。其中一名白裙長髮女飲到啤啤夫,軟攤在友人身邊,要兩男左右夾攻聯手扶住。

  眾人諗計點樣送醉娃返家時,DaDa吹水好hyper,講到肉緊時又用手拍打男友人。其中一大眼猛男似「得罪」咗女神,DaDa即笑笑口趨前「施襲」,雙手在大眼猛男上半身游走,一手捉實對方手臂;另一手揸摸猛男胸,大眼男個樣好enjoy,仲激死DaDa。最後眾人hea玩十五分鐘後,成功截到架的士,戴闊邊帽嘅女友人先和醉娃上車,然後DaDa扭扭擰擰,似請求大眼男同車走幫手「的」醉娃返家。

採訪 ︰ 張詠森、梁志明

hd