Advertisement

拖女友發辦買羊扒買海鮮 巨腩呂方廚神上身

        因為現身《流行經典50年》,網上有好多討論呂方嘅聲音,話佢乜肥咗咁多,又話佢唱歌無以前咁好聽,仲有好多人話佢唔多夠氣,其實又唔係咁差,只係佢以前唱得太好,無所謂啦,佢上晒神枱,有時間同女友去買羊扒買海鮮玩吓煮飯仔,幾爽呀。

        入行34年嘅呂方之前打算申請喺紅館舉行30周年演唱會,但申請多次都唔成功,最終過晒時間,而家仍繼續努力「入紙」,希望開騷紀念80年代。呂方有啲勞氣:「之前有人申請8次都唔得,我就試過入紙6次,都唔知道用咩準則先會成功。」

女友好身材

  偶然返內地做Show或者做吓啲音樂比賽嘅評判,靠以前剩落同投資,呂方其實唔使點做都可以維持優質生活。日前傍晚,呂方同拍拖兩年,好好身材嘅圈外女友去ifc嘅超市買餸,有個大肚腩嘅呂方主力發辦,左指澳洲羊扒右指美國活馬尼拉蜆,然後再去買黑醋同香草,之後兩人各自去買法包同熱湯,最後呂方負責找數,女友買完就喺門口等,然後由呂方駕車載返屋企。

採訪︰張詠森

hd