拍《喵星人》O氹馬麗開心 古仔破紀錄咀足20次

        古天樂近月積極宣傳新作《喵星人》,前晚出席該片首映禮時扮貓賣萌之餘,更透露戲中與女主角馬麗有多場親熱戲,足足咀了20次之多,打破其紀錄!本報記者

        古天樂、馬麗、衛詩雅、英皇集團主席楊受成、仁愛堂副主席陳慧玲(Heidi)等,前晚到旺角出席電影《喵星人》首映禮。身兼《喵》片男主角兼電影公司老闆的古仔,連月來四出為電影宣傳,前晚更先聯同戲中喵星人「犀犀利」先行現身銅鑼灣的慈善首映,不過或因天氣太熱之故,犀犀利也差點兒中暑。

戥「犀犀利」辛苦

  古仔坦言拍攝時正值夏天,曾擔心犀犀利會中暑,他說:「喺內地宣傳時都很辛苦,因為要在戶外暴曬半小時,犀犀利着住衫不能走動,仲要跟小朋友玩遊戲。問到古仔拍攝時可擔心自己會中暑?他謂:「要戴住假髮,都驚㗎。」談到古仔跟女主角馬麗於《喵》片不乏親熱戲,問到跟男神親吻是否很開心?馬麗說:「還好吧!」反之古仔卻說:「我好開心,因為起初劇本冇(親熱戲),導演喺第一日拍攝時就要求加呢場戲。」他續謂,劇情交代每當女主角發脾氣時,他即要親吻O氹女方,故兩人咀了20次之多,打破其紀錄!

衛詩雅唔想收兵

  另外,衛詩雅於《喵》片中視古仔為偶像,更瘋狂纏繞對方。問到現實中若遇上心儀男士會否纏着對方不放?她笑言自己性格鵪鶉,不敢主動追求男生,「我連望都唔敢望,愛得最盡都係畀提示。」問可有追求者?衛詩雅稱:「有人對自己好好,但有啲人見我冇反應,追追下就走咗。我好難去開始一段感情,可能自己太慢熱,若果我冇興趣的話,我又唔會想收兵。」

hd