同未婚夫分手要收拾心情 姜紫藍新作講逆齡護膚

        前亞姐姜紫藍(Color)曾當有線和亞視主持,亦拍過電影和電視劇,近年則轉型做攝影師和作家。15年她創作的《獨居女》因很暢銷,今年第三度添食,而今次的新作《獨居女生活說明書3》講起居、逆齡和心態教學法。因書中內容多是反映自己的生活例子,加埋親手畫插圖,籌備兩個月火速完成。新書將於周三書展首日推出,原本心情應該好興奮,但因早前宣佈結婚的她突然傳出與未婚夫分手的消息,她稱要收拾心情開工,感情事容後再談。撰文:李佩儀

        Color新作原本有意談愛情的看法等,點知全被Ban,「編輯覺得唔夠過癮,所以都係講番啲貼地嘅題材,好似點樣逆齡護膚、獨居女點自強。」至於講「起居」仲有個搞笑例子,她稱:「我一個人住會將屋企嘅零食,用玻璃樽裝好,然後擺到好井井有條,點知有次姑媽嚟探我,攞錯咗我放狗零食嗰個樽,搞到我隻狗想咬佢。」書中會有好多呢啲有趣例子,由於都是她平時有經歷時寫低,所以在創作方面不用花太多時間,反而插畫是全部再畫過,但因已畫到好熟練,所以籌備個多月便完成,過程都算順利。

結婚前多問題

  首批預計推出千五本,原本她應該好開心,只是心情有點忐忑。因三個月前她宣佈與做生意的男友將於9月結婚,但早前稱因性格不合而延期,她坦言:「原本想用多啲時間了解對方同磨合,希望將來真係可以開花結果。」最近二人又因相處和租屋等又出現一些問題,最終她決定分手,長痛不如短痛。現時心情需慢慢平復,她希望以最佳狀態出席二十三日的書展簽名會,並表示暫時會寄情工作,其他嘢唔諗住。

hd