Advertisement

演港女連自己都憎 王君馨爆老公鍾意肉女

        王君馨最近在《超時空男臣》分飾太子妃及超級貪慕虛榮的港女「汪以珊」(Sandy),她笑言連自己都憎這個港女角色,但亦覺得特別好玩。談到新婚生活,她自爆因搞婚禮緊張勁瘦7磅,連胸都細埋,但老公Daniel鍾意她有肉地,加上之後擔正新劇《是咁的,法官閣下》要着泳衣,正努力增肥令身材更有睇頭。

        入行10年、拍過二十多套劇的君馨,首次會憎一個角色,「好少咁難認同一個角色,但『汪以珊』真係好乞人憎,有時我都好睇唔過眼佢咁樣對阿廉同坤哥,真係好忍唔住想打佢㗎!不過,演得就要嘗試搵佢可愛嘅地方囉!」

遲啲先造人

  談到分別跟阿廉和坤哥談情,君馨咀阿廉一幕更搞到老公仔Daniel爆晒粗,但她坦承兩個對手都合作得好愉快,「雖然同阿廉及坤哥都係第一次做情侶,但係同阿廉唔係第一次合作,本身同坤哥都好熟,加上今次係喜劇仲好玩,但就係因為係喜劇,就算係咀戲都特別好笑,好多時會搞到忍唔到笑囉!」

  講起老公仔,新婚的君馨笑得勁甜,但明顯見她瘦了兩個碼,「可能籌備婚禮太緊張,足足瘦咗7磅,老公都鍾意我有肉哋㗎!同埋嚟緊套劇要着泳衣,連胸都冇埋太瘦唔好睇,所以都會增番啲磅。」至於造人大計,她就話要過吓二人世界先,「我哋拍拖都分隔兩地,都想好好相處吓,o依家會定咗每個星期有一日係拍拖日,況且我哋仲好後生,生BB遲啲先都得。」

採訪:杜淑霞 髮型:Jamie Lee 化妝:Phoebe Yung

服飾:THREE FLOOR(Runway Workshop)、Louboutin、Dearest Grace


hd