Advertisement

單親媽媽唔易做 羅霖陪細仔行街忙撳電話

        羅霖(Candy)為拍TVB劇集《宮心計2深宮計》搞到脫髮同患喉炎,總之五勞七傷,六月底拍完一身輕。除了專注番自己生意,最開心可以陪三個仔周圍去。不過大仔Nathan和二仔Jordan已長大,各有自己的節目,故平日她最愛帶住11歲的細仔Jonathan行街Shopping。早前他們拖住手去銅鑼灣,去完Sogo掃貨,再去Chanel買衫,只是現時靠自己養家的Candy,一路行一路睇Message好鬼忙,單親媽媽真係唔易做,不過邊行邊撳電話好危險,下次唔好嘞!         採訪:梁志明

        Candy一拍完劇,就忙於打理自己的生意,難得早前有假放,她即帶住Jonathan到泰國華欣度假,她更陪囝囝玩香蕉船,齊齊濕身降溫。見她在ig貼出在池邊曬太陽的相,不經意晒出事業線,事後她表示拍完劇終於可以輕鬆下,更可放縱食好多嘢,她續說:「呢次Jonathan好開心,仲約埋朋友一齊住Villa。」

半個鐘買到嘢

  除咗旅行叉電,早前Candy又陪細仔去銅鑼灣Shopping。他們先去Sogo買嘢,只見Jonathan拎住袋戰利品好開心,然後他又陪番媽咪去利園商場的Chanel買衫。Candy在舖頭一角揀衫、試衫,唔使半個鐘又有收鑊。之後她叫傭人到舖頭將戰利品攞返屋企,她再孖實細仔落停車場坐七人車去食飯。期間她邊行邊睇Message,仲要一路係咁撳電話,全程做「低頭族」,一個女人要打理三間公司嘅生意,又要照顧囝囝,又要拍劇,難怪佢成日話冇時間拍拖。

hd