人妻王君馨教路 失婚裕美 唔輕易俾男人掂

        曾經偷嗒黃子恆致婚變的裕美正式回復單身,但她唔急於搵第二春,相反畀一年時間自己唔拍拖,唔想因為急搵心靈寄託而搵錯對象:「o依家好姊妹王君馨做咗我人生教練,除介紹男仔我識,所有對象都要經佢過目,仲醒我貼士:『愛你嘅男人係會好珍惜你,唔會猴擒掂你!』」她自爆以前諗法好簡單,為怕Hurt到人,唔識Say no。

        向來熱愛跑步的裕美,將會在9月23及24日的「Pinky Fest粉紅嘉年華」中為善慈跑步。原來她跟教練跑步3年,當時正值瘋傳她整容的時候,因為跑步令她纖體變成V形面。最記得有次手機不慎跌進廁所唔開心,她在運動場用45分鐘跑了10K洩憤,豈料吸引外籍男跟住跑,不過冇下文。她說:「第時搵男朋友都要熱愛運動,(黃子恆唔得咩?) 要睇埋價值觀同將來方向。」

  對於近日影到她和四眼男撐枱腳,裕美強調對方只係普通朋友:「對方係一個台灣生意人,路經香港就約我食飯,唔覺對方有追求意思喎。」裕美由單親家庭長大,自小迫自己強悍撐起頭家,感情方面未必知道自己要乜,不過好友君馨卻給她好多提示:「佢成日介紹男仔畀我,建議大家要長時間觀察同相處。君馨話男仔唔鍾意個女人冇自己,以前唔開心我只會收埋喊,報喜不報憂,只會笑面迎人,就算同前夫有事都唔講畀媽媽知,又唔敢同另一半表達不滿情感,真係好失敗,好彩喺29歲時,可以搵返自己。」

採訪:方騫平 場地:HMV

hd