Advertisement

為慈善出心出力 SG整皮革義賣發放笑料

        組合Super Girls(SG)將於8月19日第3次參與Jam cast慈善義賣日,為香港遊樂場協會及FEEL3籌款。5位SG成員除了捐出二手衫褲鞋襪外,日前4位成員(李靜儀Heidi因病缺席)仲特地抽空跟導師親自縫製卡片套義賣。同時又各自大爆做手作仔的笑料,笑聲不絕。

        當日SG四女,隊長趙慧珊(Aka)、陳穎欣(Yanny)、蔡明思(Jessica)和吳嘉熙(Cheronna)好用心,落足心機去設計。Yanny在皮革上印上IG戶口名;Jessica及Cheronna分別揀印勉勵及情深說話「turn your ideas into action」及「All you need is love」。最搞笑係隊長Aka不慎整了個「錯版AKKA」,她笑住死撐錯版更加值錢。

  其實4人都曾整過手作仔,Jessica縫過咕o臣;Cheronna整過圍裙但唔合格,不過今次為慈善好有心機,更笑言因為想嫁得出,而且證明自己係女人。Aka整過環保袋,卻自爆做得唔好,最後求其放入棉花縫埋個口變咕o臣收拾爛攤子;Yanny上縫紉堂時為貪方便,偷偷用膠水黐作品,被老師見到好嬲。

  Aka又自爆第一年攞類似內衣的打底衫義賣,豈料被女Fans嫌棄,她話:「檢討過後,唔會再揀內衣款式。而且所有衫都洗過晒,會有香味。」Jessica會攞埋兩副充滿正能量的哈哈笑樣眼鏡出來義賣。Yanny、Heidi和Cheronna就出飾物,真係多選擇。

採訪:方騫平  場地:香港手作@D2 place

hd