Advertisement

稱「女友」不作否認 陳展鵬怕提免累單文柔

        去年陳展鵬拍住胡定欣的《城寨英雄》收視高,令兩人雙雙成為視帝視后,亦因太合拍令這對熒幕情侶的緋聞似層層。隨着《同盟》推出,兩人緋聞再次成話題,展鵬承認跟定欣確實合拍,但只限工作;至於單文柔被外界稱為「女友」,展鵬表示不會作否認,但強調不想多提對方,只因怕影響女方。

        相隔10幾年再跟鮑起靜拍劇兼演母子,展鵬稱有種家人重逢感覺,「但鮑姐磁場好勁,好快好多同事錫,都唔使我照顧。」而再同定欣合作,展鵬覺得默契更佳,但拍攝時兩人完全沒受緋聞影響,「大家睇劇就知,有心病一定合作唔到。」他又澄清當日同定欣睇鄭秀文演唱會和接載對方,只是出於同事幫忙,「佢話想睇冇飛又冇人陪,咪同埋我班朋友一齊睇囉!接送佢就因佢停咗牌。」

冇約過女演員

  至於被指活動上定欣刻意迴避,展鵬說:「我係佢都會因為拍檔有新聞,唔想影響大家,費時拉埋一齊講,變成三角關係咁就更加複雜。」

  縱然早前鮑起靜意外踢爆單文柔女友身份,展鵬依然堅稱:「認識中。」對於外界稱單文柔為他女友,他說:「我控制唔到,亦唔會否認,大家開心咪OK囉!咁啲fans都自稱係陳太啦!」不過他承認,單文柔已過了媽咪一關,「媽咪會睇人心地好唔好,佢覺得唔OK,唔會畀我接觸啦!」問到兩人將來?他說:「喺TVB以嚟叫做單獨聯絡出嚟,都係得單文柔,冇同任何一個女演員有過一日男女關係,會唔會行前一步要睇緣份,但感情冇人可以保證到。」他又指好驚事件影響對方形象,「因為觀眾完全唔認識佢,如果有咩差池,可能會影響埋佢嘅人生,我唔想提咁多,就係怕呢啲。」

採訪:杜淑霞

hd