Advertisement

老公睇唔實 大肚胡杏兒偷試斗零踭

        近日,佗B6個半月嘅準媽咪胡杏兒,挺住大肚同「胡說八道」班姊妹飛咗去澳洲拍攝旅遊特輯,6女寓工作於娛樂玩足兩星期,真係好happy。日前,臨飛前幾日,本報喺中環ifc巧遇淡妝杏兒去買鞋。佗B好省鏡嘅李太仲趁老公唔喺身邊,偷試三吋斗零踭,靚媽咪作反呀!

        37歲嘅胡杏兒,結婚年半後今年5月中喺社交網站宣佈懷孕好消息,兩公婆飛咗去馬爾代夫BabyMoon,杏兒更po相大晒丈夫李乘德(Philip)錫肚甜蜜照,超級溫馨。預產期係11月,將會同11月6日生日嘅媽咪同月生日喎!

「腳痕」試靚鞋

  日前下午5時,大肚杏兒獨自現身ifc睇鞋。全身黑色elegant打扮嘅李太,密冚6個月肚、乖乖穿上厚底鞋出街。見佢試吓長boots和平底鞋等,女店員都好錫大肚婆,不時叮囑杏兒坐底,又幫佢除鞋着鞋,細心照顧周到。慢慢揀慢慢試,好快過咗一小時,睇中兩對鞋放喺櫃枱後,杏兒見到啲斗零踭高跟鞋唔錯,竟大膽「腳痕」試鞋。見佢試完企起身行幾步,動作自如,之後埋單碌卡走人。離開時,記者上前採訪,杏兒笑笑口有禮回答說:「店員話畀我知減價,咪嚟睇吓。買咗兩對鞋呀!(見你試高跟鞋?)係呀!見特價,諗住買定遲啲做嘢着,不過我買咗嗰啲係平底O架!(BB性別呢?)遲啲咪知囉!」準媽咪全程笑得勁甜,幸福滿瀉!

採訪 : 李權威


hd