合演老友 互揭驚心底牌 阿Sa Sammi捲入《聖荷西謀殺案》

        阿Sa(蔡卓妍)、Sammi(鄭秀文)、佟大為和林嘉華主演的電影《聖荷西謀殺案》,日前在溫哥華開鏡。阿Sa和Sammi飾演一對好朋友,豈料在相處過程中卻牽涉駭人謀殺案。阿Sa坦言電影情節驚心動魄,Sammi則稱近年好少演出呢類恐怖懸疑片,故是個新挑戰。

        該片改編自著名本地劇作家莊梅岩的舞台劇《聖荷西謀殺案》(Fatal Visit),稍後劇組會前往聖荷西、香港及深圳取景,預計9月完成拍攝。開鏡拜神當日,因溫哥華氣溫只有十多度,故兩位女主角阿Sa和Sammi均穿着厚衫上陣。

  阿Sa坦言:「其實部戲係好日常生活化,但一路發展落去,慢慢會出現一啲驚心動魄嘅情節,到最後一次過爆晒出嚟。角色嘅心理變化好大,要掌握得好準,同以前拍過嘅戲好唔同。」

  Sammi亦同樣表示,這類電影在港產片上並不多見:「近年多數拍一啲輕鬆愛情片,同今次嘅角色好唔同,表面上生活好好,悠閒又有錢,仲有一個愛錫自己嘅老公。但去到結局,原來一切都係假象,呢種潛藏陰暗面嘅恐怖角色,印象中近幾年真係好少接觸到。」

  《聖》片故事講述移民聖荷西州的Sammi和老公佟大為生活悠閒,Sammi的兒時好友Sammy(阿Sa飾演)突然到訪並借住一段日子,老友相見本來甚歡,但阿Sa發覺生活中有說不出的「暗湧」,三人終互拆底牌,揭發驚人謀殺案!

hd